Sieryja «Halereja čałaviečaj dumki», u jakoj vychodziać bazavyja fiłasofskija tvory ŭ pierakładzie na biełaruskuju movu, papoŭniłasia knihaj Frydrycha Nicše «Ecce homo. Jak robiacca samim saboju». Navinka nadrukavana ŭ vydaviectvie «Encykłapiedyks», piša Bellit.info.
U svajoj knizie «Ecce homo», što možna pierakłaści z łaciny jak «Voś jon, čałaviek» (słovy, nibyta pramoŭlenyja Pontyjem Piłatam pra Isusa Chrysta), niamiecki myślar i litaratar Frydrych Nicše (1844—1900) žorstka palemizuje suprać marali, idealizmu, dušy, duchu, svabody voli i navat Boha. Jon abviaščaje tut svaju mudraść, jakaja ŭklučaje ŭ siabie tezu pra toje, što jana jašče nikoli nie była znojdzienaja, ale jaje zaŭsiody treba šukać. Kniha taksama ŭjaŭlaje saboju karotki aŭtarski ahlad jaho najvažniejšaha tvorčaha darobku.
U hetym vydańni taksama źmieščany frahmient ese sučasnaha biełaruskaha myślara i litaratara Valancina Akudoviča pra Frydrycha Nicše i słoŭnik-hłasar terminaŭ ź fiłasofii, relihii, estetyki i psichałohii, užyvanych aŭtaram knihi «Ecce homo».
Adrasujecca ŭsim, chto cikavicca kłasičnaj fiłasofijaj.
Nabyć možna pa spasyłcy ŭ internet-kramie ź pierasyłkaj pa usim śviecie abo ŭ Minsku ŭ HC «Kupałaŭski» pad Kastryčnickaj płoščaj, ralety 41-42.
«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach9
Kamientary