Siońnia skončylisia 15 sutak aryštu, jakomu padvierhnuŭsia śviatar z Rahačova Ihar Kavalčuk, adnak na volu jon tak i nie vyjšaŭ. Imavierna, suprać jaho byŭ raspačaty jašče adzin administratyŭny praces pa artykule 19.11 (raspaŭsiudžvańnie ekstremisckich materyjałaŭ).
Zvyčajna pry prahladzie telefona i sacsietak, administracyjnyja pratakoły składajuć asobna na kožny repost, łajk i padpisku. U dalejšym, kožny nastupny pratakoł «puskajuć u chod», kali čałaviek admaŭlajecca vykonvać jakija-niebudź umovy padčas znachodžańnia pad aryštam (zapis pakajalnaha videa ci padpiska ab supracoŭnictvie sa śpiecsłužbami), dla taho kab novym aryštam akazać psichałahičny i fizičny hvałt i zrabić čałavieka bolš «zhavorlivym», piša «Chryścijanskaja vizija».
Kamientary