U Łatvii prapanavali pabudavać kala miažy ź Biełaruśsiu AES, ludzi aburylisia
Ministerstva klimatu i enierhietyki Łatvii nazvała šeść miescaŭ u krainie, dzie ŭ pierśpiektyva mahčyma budaŭnictva AES. Adna z łakacyj — kala voziera Raznas, heta prykładna za 30 km ad miažy ź Biełaruśsiu. Pakul u łatvijskich uładaŭ niama kankretnych płanaŭ pa budaŭnictvie, ale navat razmovy pra heta vyklikali niezadavolenaść miascovych žycharoŭ u sacsietkach, piša lsm.lv.
«Ja ŭvohule ŭ šoku ad hetaha. Tut zabaroniena ŭsio — katacca na kvadracykłach, hidracykłach vakoł Raznas, tamu što «eka, eka», i raptam tut źbirajucca budavać AES?» — ździŭlajecca Santa Viša-Hajsinia, turystyčnaja firma siamji jakoj znachodzicca na bierazie voziera Raznas u Rezieknienskim krai.
Žančyna ličyć, što taki abjekt niehatyŭna paŭpłyvaje na žadańnie turystaŭ tudy jechać.
Kamientatary ŭ sacyjalnych sietkach taksama vykazali niezadavolenaść takim patencyjnym miescam dla AES, zajaviŭšy, što voziera ŭ nacyjanalnym parku Raznas — miesca adpačynku.
Departamient achovy pryrody, jaki kiruje nacyjanalnym parkam, pakul nie atrymaŭ infarmacyi pra płany ministerstva, ale ŭžo zajaviŭ, što AES nie varta budavać na pryrodnaj terytoryi pad achovaj.
Z hetym zhodny i staršynia Rezieknienskaj krajavoj rady Monvid Švarc:
«Absalutna niepadychodziačaje miesca z punktu hledžańnia achovy pryrody — heta terytoryja pad achovaj. I z techničnaha punktu hledžańnia, prynamsi ŭ śviecie, takija elektrastancyi raźmiaščajuć tam, dzie jość niepasredny kalektar enierhii abo jość blizkija tranzitnyja darohi da bujnych złučeńniaŭ».
U svaju čarhu, ministr klimatu i enierhietyki Łatvii Kaspar Mielnis paviedamiŭ, što karta składałasia bolš za 10 hadoŭ tamu, kali hieapalityčnaja situacyja była inšaj.
«Ciapier situacyja pamianiałasia. Tamu karta, kali b jana była zroblenaja siońnia, vierahodna, była b inšaj», — adznačyŭ jon.
Čytajcie taksama:
Aryštavali i vystavili na prodaž samuju mahutnuju ŭ Biełarusi soniečnuju elektrastancyju
Kamientary