Vychavanka biełaruski Julii Raskinaj zavajavała zołata na Alimpijadzie
Kolišniaja biełaruskaja mastackaja himnastka, srebranaja pryziorka Alimpijady-2000 hoda ŭ aŭstralijskim Sidnei Julija Raskina taki dabiłasia załatoha tryumfu, ale hetym razam nie jak spartsmienka, a trenierka. Alimpijskaj čempijonkaj u Paryžy stała jaje vychavanka Darja Varfałamiejeŭ, jakaja vystupaje za Hiermaniju.
Julija Raskina pracuje ŭ Hiermanii z 2015 hoda, i tam treniruje emihrantak z Rasii Marharytu Kołasavu i Darju Varfałamiejevu (pakolki ŭ niamieckaj movie ŭ proźviščaŭ niama rodu, to vystupajuć jany z proźviščami mužčynskaha rodu — Kołasaŭ i Varfałamiejeŭ).
17-hadovaja Varfałamiejeŭ była pierad Alimpijskimi hulniami ŭ Paryžy vidavočnaj favarytkaj, tym bolš što na ich nie było rasijanak, jakija ŭ hetym vidzie sportu zaŭsiody zadajuć ton. Paśla kvalifikacyi, praŭda, dziaŭčyna była tolki druhoj, ale ŭ finale vystupiła vydatna i apiaredziła hałoŭnuju supiernicu Baranu Kalejn.
Marharyta Kołasaŭ zastałasia na kryŭdnym čaćviortym miescy, prapuściŭšy napierad jašče i italjanku Safiju Rafaeli.
Julija Raskina ŭ 2022 hodzie, kali Varfałamiejeŭ vyjhrała ažno 5 miedaloŭ na čempijanacie śvietu, stała niamieckaj trenierkaj hoda. Sioleta, vidać, jana taksama zmoža na hety hanarovy tytuł pretendavać.
U 2020 hodzie Raskina, darečy, publična vystupiła suprać hvałtu i falsifikacyi prezidenckich vybaraŭ.
Lohkaatletka, jakaja zavajavała alimpijskuju bronzu, padpracoŭvaje na pornasajcie
Spartsmienku ź Indyi nie dapuścili da alimpijskaha finału z-za 100 hramaŭ lišniaj vahi. Jana straciła i srebra
U instahramie miemnaha strałka z Alimpijady adšukaŭsia biełaruski śled
Arman Dziupłancis ustanaviŭ novy fantastyčny suśvietny rekord u skačkach z šastom na Alimpijadzie
«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach9
Kamientary