У намесніка Кіева-Пячэрскай Лаўры праводзяць вобшук. Яму ўручылі падазрэнне
Намеснік Лаўры мітрапаліт Павел (Лебедзь) заявіў, што Служба бяспекі 1 красавіка праводзіць у яго доме ператрусы і ўручыла падазрэнне.
Паводле звестак Лебедзя, яму ў суботу а 7:30 уручылі падазрэнне. Ён дадаў, што ў яго доме праводзяць ператрусы, піша «Украінская праўда».
Па даных крыніц УП, падазрэнні ўручаныя па артыкулах 161 КК «Парушэнне раўнапраўя грамадзян у залежнасці ад іх расавай, нацыянальнай прыналежнасці, рэлігійных перакананняў, інваліднасці і па іншых прыкметах» і 436 «Прапаганда вайны».
Са слоў Паўла, СБУ яму сказала, што ён «праклінаў прэзідэнта».
У сакавіку 2023 года Нацыянальны запаведнік «Кіева-Пячэрская лаўра» разарваў дамову з УПЦ МП аб бясплатным карыстанні Лаўрай у Кіеве. Манахі павінны былі пакінуць манастыр і ўсе будынкі 29 сакавіка. Але мітрапаліт Павел заявіў, што яны гэтага рабіць не будуць.
Чытаць таксама:
Ва УПЦ прыгразілі Зяленскаму «божай карай» з-за высялення манахаў з Кіева-Пячэрскай лаўры
УПЦ Маскоўскага патрыярхату адмаўляецца сыходзіць з Кіева-Пячэрскай лаўры
УПЦ Маскоўскага патрыярхату да канца сакавіка мусіць пакінуць Кіева-Пячэрскую лаўру
Каментары