Likapin — rečyva, jakoje jość u pamidorach, pazityŭna ŭpłyvaje na jakaść mužčynskaj śpiermy, dakazała praviedzienaje niadaŭna daśledavańnie, piša BBC.
U chodzie vyprabavańniaŭ na praciahu 12 tydniaŭ zdarovyja mužčyny atrymlivali štodnia 14 mh bijałahična aktyŭnaj dabaŭki, ekvivalentnaj dźvium stałovym łyžkam kancentravanaj tamatnaj pasty.
Pa zakančeńni vyprabavalnaha terminu, jak vyśvietlili navukoŭcy, u mužčyn, jakija ŭžyvali dabaŭku, palepšyłasia jakaść ejakulatu.
U vyprabavańniach brali ŭdzieł 60 advolna adabranych fizična zdarovych mužčyn. Častka ź ich atrymlivała dabaŭku, astatnija — płaceba.
Śpiermu mužčyn praanalizavali ŭ łabaratoryi pierad pačatkam ekśpierymientu, pa zaviaršeńni šaści tydniaŭ i paśla zaviaršeńnia daśledavańnia.
Navukoŭcy nie vyjavili roźnicy ŭ kancentracyi śpiermatazoidaŭ na hetych troch stadyjach, adnak ich marfałohija (źniešniaja forma) adroźnivałasia: praporcyja zdarovych śpiermatazoidaŭ, jak i ich ruchomaść byli vyšejšyja ŭ tych mužčyn, jakija ŭžyvali likapin.
Nastupnym krokam budzie paŭtor hetaha ekśpierymientu z mužčynami, jakija majuć prablemy z začaćciem, kab panazirać, ci palepšyć likapin jakaść ich śpiermy i ci zmoža heta dapamahčy param začać dzicia.
-
Kolišniaje pavietra, zamarožanaje ŭ lodzie, daje adkaz na samaje važnaje pytańnie sučasnaści
-
«Apošni ekzamien čałaviectva». Dla niejrasietak stvaryli maksimalna składany akademičny test — i voś jaki vynik
-
Sapraŭdny košt DeepSeek, kitajskaha čat-botu, što abvaliŭ fondavy rynak ZŠA, akazaŭsia zusim nie takim
Kamientary