Kožny moža pryhadać chacia b niekalki niezabyŭnych scen seksu z kino. Samych roznych scen — ad haračych pozirkaŭ da pałymianych łask, z hierojami apranutymi i raspranutymi, na padłozie, na kuchni ci na pryrodzie. Ale badaj ci nie ŭsie tyja sceny buduć ź filmaŭ, źniatych da 2010 hodu.
Čamu Halivud apošnija niekalki hod ličyć nie vartym zdymać filmy z elemientami erotyki, raźbirałasia Kryścina Ńjułand z BBC.
Pieršaja pryčyna, jakuju ŭzhadvaje Kryścina, — ahulny zruch amierykancaŭ da purytanstva.
Mahčyma, heta vodhulle ruchu #MeToo, dziakujučy jakomu žančyny z usiaho śvietu raskazali svaje historyi prynižeńnia ci hvałtu. Tema seksu stała niebiaśpiečnaj temaj, u jakoj treba ŭzvažvać kožnaje słova i kožnuju dumku.
Mahčyma, naadvarot, z šyrokim raspaŭsiudam internetu parnafilmy stali nastolki dastupnymi, što nichto nie choča ŭžo šukać hetych ža radaściaŭ u mastackim kino.
Da taho ž, i sami maładyja ludzi pakaleńnia milenijałaŭ i pakaleńnia Z zajmajucca kachańniem radziej, čym ich papiaredniki, śćviardžaje En Chornadej, kinakrytyk z Washington Post.
Ź inšaha boku, pryčynaj aseksualnaści sučasnaha kino moža być vyklučna kamiercyjny raźlik. Ludzi pačali hladzieć usie filmy razam ź dziećmi. Tamu pamiž filmam pra supier-hierojaŭ Marveła i eratyčnym šedeŭram, ludzi ŭ 2021 hodzie pieravažna abirajuć Marveła.
A hieroi Marveła musiać ratavać śviet, być pilnymi ŭ atačeńni voraha, nie rassłablacca i nie raźniavolvacca. Pobač ź imi niemahčymyja dumki pra piaščotu ci žarść.
Raspracoŭvajučy jakasny błokbastar siońnia, admysłoŭcy ŭ Halivudzie fakusujucca na hałoŭnym u filmie — tym, jak dynamična raskručvaje siužet. Ekšn, brutalnaść, niebiaśpieka — patrebnyja siužetu. Jany jaho mator. A seks — niepatrebny, jon moža padacca ŭ dynamičnaj historyi navat niazhrabnym.
U novaj estetyčnaj situacyi nie znachodzicca miesca nie tolki adkrytym scenam seksu ŭ kino — źnikaje i staraja pačućciovaść u pryncypie. Halivud pierastaje vypuskać ramantyčnyja dramy ci ramantyčnyja kamiedyi, u jakich ludzi zbližajucca.
Siońnia mejnstrymavaje kino zachrasła na rostaniach, i hałoŭny vyklik, jaki staić pierad novymi mastakami, — padabrać pravilnuju formu dla temy seksu i pačućciovaści.
XXI stahodździe, na žal, moža stavić pytańnie pra niepraktyčnaść i niemetazhodnaść seksu i pačućciovaści ŭ novym mastactvie, ale, zrešty, bolšaść dobrych rečaŭ u śviecie — niepraktyčnyja i zusim niemetazhodnyja.
«Nichto z mužčyn nie razumieje dvuchsensoŭnaści». Jak vyjści zamuž za ajcišnika i nie raźvieścisia
«Pieravaha addajecca palašučkam i žančynam z doŭhimi vałasami». Biełaruski paet šukaje žonku praz fejsbuk
-
Psichołah: Mužčynam lepš nie stavić fota z šašłykom na sajcie znajomstvaŭ
-
«Usie žančyny marać pra haściavy šlub». Prybiralščyca ź Minska bačycca z mužam tolki na vychodnych i ličyć hetu schiemu idealnaj
-
«Užo naźbirała harem z arabaŭ i turkaŭ, ale jaki sens?» Biełaruska pra toje, jak šukaje muža na sajtach znajomstvaŭ
Kamientary