Bolš za tydzień nie pracuje sajt biełaruskaha daśledčyka stalinskich represij Leanida Marakova. Na staronkach marakou.by byli apublikavanyja siarod inšaha jahonyja šmattomnyja daviedniki z bolš jak 20 tysiačami bijahrafij represavanych u saviecki čas biełaruskich dziaržaŭnych, hramadskich i relihijnych dziejačaŭ. Siarod ich i rodny dziadźka daśledčyka, paet Valeryj Marakoŭ, zabity ŭ noč z 29 na 30 kastryčnika 1937 hoda, u tak zvanuju Noč rasstralanych paetaŭ.
Leanid Marakoŭ naradziŭsia ŭ Minsku ŭ 1958 hodzie. Skončyŭ u 1984 hodzie Biełaruski dziaržaŭny ŭniviersitet infarmatyki i radyjoelektroniki, paśla pracavaŭ na Minskim zavodzie EVM. Z 1987 hoda — inžynieram-elektronščykam na dośledna-vytvorčym pradpryjemstvie pa vyrabie ŭnikalnych fizičnych pryboraŭ i abstalavańnia AN SSSR dy inšych ustanovach.
Z 1999 hoda byŭ litaraturnym supracoŭnikam haziety «Hołas Radzimy», ale z 2001 hoda całkam pryśviaciŭ siabie svaim daśledavańniam. A žyŭ na hrošy, zaroblenyja ŭ 1990-ja, kali zajmaŭsia biznesam.
U pačatku 2016 hoda Leanid Marakoŭ pieražyŭ insult, a 17 śniežnia 2016 hoda pamior u chośpisie, dzie byŭ u ciažkim stanie z puchlinaj hałaŭnoha mozhu.
Paśla śmierci daśledčyka jahony asabisty sajt praciahvaŭ funkcyjanavać da apošniaha času. Z čym źviazana ciapierašniaje spynieńnie pracy, pakul nie viadoma.
Kali viedajecie, čamu tak stałasia, napišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary
Nie razumieju čamu hetyja vielmi patrebnyja hramadstvu dy čałaviectvu sajty dahetul nia stvoranyja. Toje što pra złačynstva kamunizmu možna pašukać infarmacyju ŭ sietkach nie źnimaje z rełakcyj sapraŭdnych vydańniaŭ stvaryć dadatkovy sajt dziela raspaŭsiudžvańnia praŭdy. Tak sama naležyć stvaryć asobny sajt pra złačynstva Maskovii z časoŭ jaje ŭtvareńnia i da našych dzion. Razam z historykami dapamoh by pradstaŭleńniem kantekstu da hetych sajtaŭ.
marakou.by nie pracuje. My stracili vializarny archiŭ daśledčyka?
Zabylisia pra represavanych u 1930-ja hady? To naščadki tak ža zabuducca i pra naša represavanaja pakaleńnie.