Aryštavanych u ramkach administracyjnych spraŭ navapołackich miedykaŭ pieraviali ŭ SIZA Viciebska — ŚMI
Papiarednie, havorka nie idzie pra zaviadzieńnie kryminalnych spraŭ. Jak paviedamiła «Pozirku» krynica, takija pieravody praktykujucca, bo «ŭmovy ŭtrymańnia ŭ Viciebsku našmat horšyja».
Raniej źjaviłasia infarmacyja, što chirurh Michaił Pačkoŭski i ŭrołah Pavieł Stalmakoŭ aryštavanyja na 15 sutak pavodle za raspaŭsiudžvańnie ekstremisckaj pradukcyi.
Zahadčyca adździaleńnia hiniekałohii Iryna Vasiljeva i fielčarka chutkaj dapamohi Natalla Piervianionak aryštavanyja na 10 sutak za «niesankcyjavany pikiet». Viadoma, što apošniuju sudzili za ŭkrainski ściah na avatary ŭ sacsietcy.
U Vasiljevaj maci — invalid pieršaj hrupy, jakaja patrabuje dohladu.
Śpiecyjalist UHD Ała Stalmakova, u jakoj dvoje dziaciej, aštrafavanaja na 100 bazavych vieličyń (3700 rubloŭ). Artykuł KoAP nieviadomy.
Inicyjatyva «Biełyja chałaty» paviedamlała pra aryšt na 15 sutak miedsiastry Śviatłany Hryharovič. Artykuł nie paviedamlaŭsia.
Zatrymańni miedrabotnikaŭ adbylisia paśla ŭciečki sa špitalu infarmacyi pra eks-pretendenta na pasadu prezidenta, palitviaźnia Viktara Babaryki, jaki byŭ dastaŭleny z kałonii ŭ ciažkim stanie sa śladami źbićcia. Z 28 krasavika nieviadoma, dzie jon.
Kamientary