«Adna vajna z 28 u śviecie». Kiraŭnik MAK baronić dopusk atletaŭ ź Biełarusi i Rasii na Alimpijadu-2024
«Indyvidualnych atletaŭ nielha karać za dziejańni ich uradaŭ», — skazaŭ Tomas Bach, vystupajučy na forumie ŭ Ženievie.
Kiraŭnik Mižnarodnaha alimpijskaha kamiteta Tomas Bach nazvaŭ apraŭdanym rašeńnie dapuścić atletaŭ z Rasii i Biełarusi da letnich Alimpijskich hulniaŭ 2024 hoda ŭ Paryžy, kali jany buduć vystupać u niejtralnym statusie, piša Bi-bi-si.
Vajnu va Ukrainie, jakaja pačałasia ŭ lutym 2022 hoda, jon nazvaŭ adnoj z mnostva ŭ śviecie. «Adna vajna z 28 vojnaŭ i kanfliktaŭ, jakija ciapier iduć u śviecie, i ŭsie inšyja atlety mirna spaborničajuć adno z adnym», — skazaŭ Bach.
Na minułym tydni Mižnarodny alimpijski kamitet dapuściŭ rasijskich i biełaruskich spartsmienaŭ na letnija Alimpijskija Hulni 2024 hoda ŭ niejtralnym statusie: jany buduć vystupać bieź ściaha i himna.
Dadatkovaje patrabavańnie — ani sami spartoŭcy, ani siabry ich trenierskaha štaba nie pavinny vystupać z aktyŭnaj padtrymkaj rasijskaha ŭvarvańnia va Ukrainu.
Na dadzieny momant tolki vosiem spartsmienaŭ z Rasii i piać ź Biełarusi kvalifikavalisia na Alimpijadu ŭ Paryžy.
Zabarona zastajecca ŭ sile dla kamand, jakija aficyjna pradstaŭlajuć Rasiju i Biełaruś.
«Usie ich ściahi — u plamach kryvi»
Mnohija zachodnija krainy, u tym liku ZŠA i Vialikabrytanija, zaklikali da poŭnaj zabarony na ŭdzieł u Alimpijadzie dla rasijskich i biełaruskich spartoŭcaŭ.
Takuju ž pazicyju zajmaje i Ukraina, jakaja pahražała bajkatavać hulni.
U śniežni 2022 hoda Uładzimir Zialenski zajaviŭ: «bieły abo luby niejtralny ściah dla rasijskich spartoŭcaŭ niemahčymy, usie ich ściahi — u plamach kryvi».
«Lubyja idei viarnuć rasijskich pradstaŭnikoŭ na mižnarodnyja spabornictvy — heta idei ab tym, jak dazvolić tym, chto vinavaty ŭ terory, skazać svajmu hramadstvu, što śviet nibyta daruje teror», — cytuje Zialenskaha aficyjny sajt prezidenta Ukrainy.
U adkaz na pahrozy Ukrainy bajkatavać hulni Bach skazaŭ, što dziaržavy mohuć mieć roznyja palityčnyja mierkavańni.
MAK taksama zajaviŭ, što budzie i dalej padtrymlivać ukrainskich atletaŭ usimi mahčymymi sposabami, kab na Alimpijskich hulniach u Paryžy ŭ 2024 hodzie była pradstaŭlena mocnaja kamanda Nacyjanalnaha alimpijskaha kamiteta Ukrainy.
MAK dapuściŭ biełaruskich i rasijskich spartoŭcaŭ da Alimpijady-2024
Lohkaatletaŭ ź Biełarusi i Rasii na Alimpijadzie nie budzie — prezident World Athletics
Vystup Azaranka i Sabalenka na Alimpijadzie-2024 pad pahrozaj: pavodle praviłaŭ alimpijskaha adboru jany ŭ Paryž nie traplajuć
NAK vitaŭ dopusk da Alimpijady, ale nazvaŭ jaho ŭmovy dyskryminacyjnymi
Mižnarodny alimpijski kamitet dapuściŭ da Alimpijady piaciarych biełarusaŭ
Stała viadoma, jak dobra ŭładkavaŭsia ŭ žyćci muž starejšaj unučki Łukašenki5
Kamientary
Kak žie eta kozłota ostačiertieła.