Palitviazień Ihar Lednik siadzieŭ u kałonii ŭ Babrujsku, a nie ŭ Mahilovie
Pieršasnaja infarmacyja, jakaja razyšłasia pa sajtach i sacsietkach, była niapravilnaja.
Pravaabaronca Ihar Lednik, jaki pamior u źniavoleńni, adbyvaŭ pakarańnie ŭ kałonii №2 u Babrujsku. Paviedamleńnie pra toje, što jon znachodziŭsia ŭ mahiloŭskaj kałonii, niepraŭdzivaje.
Pa stanie zdaroŭja Lednika trymali ŭ Babrujsku ŭ sančastcy.
Ale pamior palitviazień u Minskaj rajonnaj balnicy. Tudy jaho dastavili z kałonii.
Pa słovach jaho susieda pa kałonii Alaksieja Hałoŭkina, u Lednika była stoma (adtulina na piaredniaj brušnoj ściency, sfarmavanaja chirurhičnym šlacham), da jakoj byŭ zamacavany admysłovy pakiet, kab možna było chadzić u prybiralniu.
***
Ihar Lednik byŭ zatrymany 12 krasavika 2022 hoda i asudžany na try hady źniavoleńnia pa art. 367 (paklop na Łukašenku) za publikacyju ŭ partyjnym časopisie BSDP «Pazicyja».
Kamientary