Biełaruskaha treniera Viktara Hančarenku vykinuli z «Urała» z-za kiepskich vynikaŭ
Kamanda finišavała ŭ čempijanacie Rasii na 14-m miescy, a ŭčora doma prajhrała pieršy stykavy matč za prava zastacca ŭ elitnym dyvizijonie.
Futbolny kłub «Urał « na svaim aficyjnym sajcie abviaściŭ pra zvalnieńnie hałoŭnaha treniera Viktara Hančarenki. Rychtavać kamandu da vyrašalnaha stykavaha matču z «Akronam» budzie Jaŭhien Aviarjanaŭ, piša Championat.com.
«Dziakujem Viktaru Michajłaviču za praviedzienuju pracu i žadajem pośpiechu ŭ dalejšym», — napisała pres-słužba jekaciarynburhskaha kłuba.
Prezident «Urała» Ryhor Ivanoŭ nazvaŭ pryčynu zvalnieńnia. Sa słoŭ funkcyjaniera, biełarusu nie ŭdałosia vykanać zadaču na pieršy stykavy matč za prava zastacca ŭ rasijskaj premjer-lizie, tamu kamandzie patrebnyja pieramieny.
«My dziakujem Viktaru Michajłaviču za amal dva hady, praviedzienych u Jekaciarynburhu. Ale sa škadavańniem kanstatujem: vykanać zadaču na pieršy stykavy matč nie ŭdałosia. Kamandzie patrebnyja pieramieny», — skazaŭ Ivanoŭ.
Napiaredadni «Urał» prajhraŭ «Akronu» ŭ pieršym stykavym matčy za prava vystupać u rasijskaj premjer-lizie ŭ nastupnym siezonie. Hulnia prachodziła ŭ Jekaciarynburhu i zaviaršyłasia ź likam 0:2. Za «Urał» hulaje piaciora biełarusaŭ. Pierachodnaja hulnia ŭ adkaz pamiž kamandami adbudziecca ŭ subotu, 1 červienia, i projdzie na stadyjonie «Kryštal» u Žyhuloŭsku.
Hančarenka treniravaŭ BATE z 2006 pa 2013 hod, zavajavaŭ šeść razoŭ załatyja miedali čempijanatu Biełarusi, upieršyniu ŭ historyi vyvieŭ kłub u hrupavy raŭnd Lihi čempijonaŭ (leta 2008), i potym BATE pry im kožny hod hulaŭ u hrupavych turnirach Lihi čempijonaŭ i Lihi Jeŭropy.
U Rasii pracavaŭ u «Kubani», «Krasnadary», «Ufie», CSKA, dvojčy va «Urale».
Futbolny Jeŭra-2024 pa BT pakazvać nie buduć
Fantastyka ŭ stykach Hiermanii! 16-ju kamandu Bundeślihi «pachavali» paśla chatnich 0:3, a jana ŭ haściach ździejśniła nievierahodny kambek
Hary Kiejn staŭ uładalnikam «Załatoj bucy» jak najlepšy bambardzir jeŭrapiejskich lih
Furor ukraincaŭ u Ispanii — u adnym matčy Doŭbik zabiŭ try hały, Cyhankoŭ — dva. VIDEA
Hrecki «Alimpijakas» vyjhraŭ Lihu kanfierencyj u dadatkovy čas
Kudy mohuć departavać 323 biełarusaŭ z ZŠA paśla ŭkaza Trampa? I chto hetyja ludzi?1
Kamientary