Ci sapraŭdy Polšča nastolki važny dla Kitaja partnior, kab u Piekinie prysłuchoŭvalisia da Varšavy? Davajcie pabačym ličby ŭ paraŭnańni z anałahičnymi pakazčykami Biełarusi.
Paśla praciahłaha vizitu prezidenta Polščy Andžeja Dudy ŭ Kitaj stała viadoma, što Varšava sprabuje ŭździejničać na Minsk praź Piekin. A paźniej ministr Sikorski jašče i zajaviŭ, što Polšča «dziejničaje dziela źmiakčeńnia napružańnia miž Kitajem i ZŠA». Ci sapraŭdy Polšča nastolki važny dla Kitaja partnior, kab u Piekinie prysłuchoŭvalisia da Varšavy? Što ŭjaŭlaje saboju handlovy abarot Polščy z Kitajem? Davajcie pabačym ličby ŭ paraŭnańni z anałahičnymi pakazčykami Biełarusi.
U 2023 hodzie handlovy abarot Polščy z Kitajem skłaŭ 54,7 miljardaŭ dołaraŭ. Pryčym, kali jaho padzialić na impart i ekspart, to zaŭvažny katastrafičny dysbałans na karyść Kitaja.
Pry imparcie z Kitaja na 51,3 miljardy Polšča ekspartuje svaich tavaraŭ i pasłuh tolki na 3,4 miljardy dołaraŭ (6,6% abarotu handlu).
Pasoł Kitaja ŭ Polščy napiaredadni vizitu prezidenta Polščy Dudy ŭ Piekin vykazaŭ zadavalnieńnie tym, što «Polšča stała samym vialikim handlovym partnioram Kitaja ŭ Centralnaj i Uschodniaj Jeŭropie».
Pa jaho słovach, Kitaj «aktyŭna padtrymlivaje inicyjatyvy polskaha boku, jakija datyčać madernizacyi terminału Małaševičy, i hatovy da supracoŭnictva ŭ hetaj śfiery. Rost ruchu na terminale padkreślivaje nadzionnuju nieabchodnaść padtrymańnia biaśpieki i stabilnaści mižnarodnych łancužkoŭ pastavak».
Jak viadoma, vizit Dudy zakončyŭsia padpisańniem pahadnieńnia ab dazvole ekspartu polskaj ptuški ŭ Kitaj, što pavinna trochi vypravić handlovy bałans.
U toj ža čas urad Polščy zakłapočany niadobrasumlennaj kankurencyjaj i raspracoŭvaje novyja praviły, jakija paklikanyja prymusić kitajcaŭ prymianiać miascovaje zakanadaŭstva, płacić mytnyja zbory i PDV.
Pa fonie polskich ličbaŭ handlovy bałans Biełarusi z Kitajem vyhladaje bolš zbałansavanym. Ale jon i značna mienšy. Adpaviedna, biełaruski rynak mienš važny dla Kitaja, čym polski. U minułym hodzie handlovy abarot skłaŭ 8,4 miljardy dołaraŭ. Ź ich ekspart biełaruskaj pradukcyi skłaŭ 2,6 miljardy (31%).
Va ŭmovach sankcyj Biełaruś istotna pavialičyła tavarazvarot z Kitajem. Adpaviedna infarmacyi kitajskaj mytni, impart z Kitaja ŭ Biełaruś vyras amal na 80%, a ekspart — na 44,5%.
Praŭda, Kitaj mała što kuplaje ŭ Biełarusi, akramia syraviny: bolš za pałovu biełaruskaha ekspartu składajuć kalijnyja ŭhnajeńni. Akramia hetaha Kitaj kuplaje ŭ Biełarusi pradukcyju sielskaj haspadarki i draŭninu.
Kali ŭ cełym paraŭnać handlovyja bałansy z Kitajem Polščy i Biełarusi, to roźnica składzie 6,5 razoŭ. Pry hetym u Polščy pražyvaje ŭ 4,1 razy bolš nasielnictva, čym u Biełarusi (37,6 młn suprać 9,1 młn).
Jak piša Obserwator Gospodarczy za pieršaje paŭhodździe polski ekspart u cełym źniziŭsia na 10%, impart taksama źnižajecca, ale nie ŭ vypadku Kitaja.
«Palakam padabajucca tavary z Kitaja», — zaŭvažaje vydańnie i adznačaje, što na hetu krainu prypadaje 13,4% usiaho abjomu polskaha impartu. I heta tolki na 6,5% mienš, čym z Hiermanii.
Ci navažycca ŭ takoj situacyi Polšča całkam zakryć Małaševičy, vyklikaje vialikija sumnievy.
Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie7
Kamientary
nu. a vy śmiajeciesia, što baćka samalična jajki pradaje. dyk duda robić toje samaje