Šeść viosak na Hałanskich vyšyniach chočuć u Izrail. Pra heta pišuć izrailskija ŚMI, spasyłajučysia na videa schodu žycharoŭ. Arabskija karystalniki sacsietak aburanyja dziejańniami siryjskich druzaŭ, paviedamlaje Euronews.
Žychary šaści viosak na poŭdni Siryi, u jakich žyvie druzskaja mienšaść, paprasili Izrail dałučyć da siabie ich terytoryju i raspaŭsiudzić suvierenitet na ich nasielenyja punkty. Videa schodu ŭ vioscy Chader, raźmieščanaj na siryjskim baku Hałanskich vyšyń, napiaredadni apublikavała vydańnie Jewish Press.
Paviedamlajecca, što druzy aścierahajucca pieraśledu z boku isłamistaŭ, jakija pryjšli da ŭłady ŭ Siryi paśla padzieńnia režymu Bašara Asada. Na videa adzin z vystupoŭcaŭ pierad natoŭpam ź niekalkich dziasiatkaŭ čałaviek havoryć:
«Ad imia ŭsich žycharoŭ Chadera, i kali chtości piarečyć, kali łaska, skažycie… Kali nam daviadziecca vybirać, my vybieram mienšaje zło — być dałučanymi da (izrailskich) Hałanaŭ! … Los Chadera — heta los navakolnych viosak, my chočam paprasić dałučyć nas da našych surodzičaŭ na Hałanach, kab być svabodnymi ad niespraviadlivaści i pryhniotu».
Prysutnyja na schodzie adkazali na heta krykami: «My zhodnyja, my zhodnyja!»
U 1967 hodzie Izrail zaniaŭ častku Hałanskich vyšyń padčas Šaścidzionnaj vajny i anieksavaŭ ich u nastupnyja hady, u vyniku čaho čatyry siryjskija druzskija pasieliščy stali častkaj jaŭrejskaj dziaržavy. Ciapier tam žyvuć kala 24 tysiač čałaviek.
Druzskaja hramada Izraila, jakaja zbolšaha žyvie ŭ rehijonie Halileja, u sukupnaści pieravyšaje 250 tysiač čałaviek. Jaje pradstaŭniki dobra intehravanyja ŭ izrailskaje hramadstva i słužać u CACHAŁ.
Napiaredadni premjer-ministr Izraila Bińjamin Nietańjachu sustreŭsia z duchoŭnym lidaram druzskaj abščyny u Izraili Mavafiekam Taryfam. Jany abmierkavali padtrymańnie stabilnaści i biaśpieki ŭ miescach pražyvańnia druzaŭ na poŭdni Siryi.
Pra chvalavańni i pačućcio niapeŭnaści siarod druzaŭ, jakija apynulisia ŭžo druhi raz za paŭstahodździa ŭ epicentry supraćstajańnia pamiž Izrailem, Livanam i Siryjaj, pisali i jeŭrapiejskija ŚMI. Bo mnohija druzskija siemji ŭžo tady, u 1973-m, byli padzielenyja miažoj.
Siarod karystalnikaŭ sacsietak z Palestynskaj aŭtanomii i šerahu arabskich krain raście abureńnie takimi dziejańniami druzaŭ, choć hetaja navina pakul i nie była paćvierdžanaja aficyjna.
Rasija pačała vyvad vojskaŭ ź Siryi
U siryjskaj Łatakii spalili trunu ź ciełam baćki Bašara Asada
Siryja była fabrykaj kaptahonu, «kakainu dla biednych». Paśla padzieńnia režymu stała jasna, dzie jaho vyrablali
Vyjšaŭ na volu livaniec-chryścijanin, jaki pravioŭ u turmach Asada 33 hady. Jaho vykrali siryjskija vajskoŭcy
U siryjskaj turmie znajšli trup zakatavanaha aktyvista, jaki prapaŭ 4 hady tamu. Jon pavieryŭ režymu i viarnuŭsia ź Bierlina
Biełyja dy čyrvonyja kvietki i mora śloz. Jak u Vilni sustrakali Palinu Šarendu-Panasiuk29
Kamientary