Za 2024 hod u Biełaruś zalacieli 395 dronaŭ z Rasii i Ukrainy. Bolšaść ź ich — šachiedy
Pik prypaŭ na listapad i śniežań.
Za śniežań u pavietranuju prastoru Biełarusi zajšło nie mienš za 145 rasijskich dronaŭ-kamikadze «Šachied».
36 dronaŭ viarnulisia va Ukrainu i Rasiju, a 109 źnikli, piša «Biełaruski Hajun».
Ahułam za 2024 hod «Biełaruski Hajun» zafiksavaŭ 395 parušeńniaŭ pavietranaj prastory Biełarusi dronami z Ukrainy i Rasii, siarod ich 5 raźviedvalnych dronaŭ.
Za hod paćvierdžana 10 vypadkaŭ źbićcia abo padzieńnia šachiedaŭ u Biełarusi i Łatvii, a taksama adzin vypadak razbureńnia budynka ŭ vyniku padzieńnia BPŁA.
Kančatkovyja dadzienyja za 2024 hod z raźbiŭkaj pa miesiacach vyhladajuć nastupnym čynam:
- Lipień — 9 štuk
- Žnivień — 12
- Vierasień — 29
- Kastryčnik — 49
- Listapad — 151
- Śniežań — 145
Z 395 BPŁA za 2024 hod:
- 196 viarnulisia va Ukrainu i Rasiju;
- 189 źnikli;
- 10 byli źbityja/upali ŭ Biełarusi i Łatvii.
Pakul niama padstaŭ mierkavać, što zaloty rasijskich šachiedaŭ u Biełaruś u bližejšy čas spyniacca.
Kamientary