Byłuju karaleŭskuju siadzibu ŭ Hrodnie nabyła carkva «Słova Božaje»
Pieramožcam aŭkcyjonu pa prodažy častki byłoj karaleŭskaj siadziby Paniamuń stała carkva «Słova Božaje» chryścijan viery jevanhielskaj. Pra heta ŭ instahramie paviedamiŭ jaje pastar Viktar Busłajeŭ, piša Reform.news.
Carkva «Słova Božaje» ŭtvaryłasia ŭ Hrodnie šeść z pałovaj hadoŭ tamu. Za hety čas kolkaść prychadžan vyrasła i carkva mieła patrebu ŭ svaim budynku.
Ciapier carkvie nieabchodna 56 tysiač rubloŭ dla apłaty aŭkcyjonu. Finansy patrebnyja i dla ramontu siadziby. Viktar Busłajeŭ abviaściŭ zbor hrošaj.
Upieršyniu siadzibu vystavili na aŭkcyjon u krasaviku 2023 hoda — tady startavaja suma łota skłała 374 tysiačy rubloŭ. Paśla taho adbylisia jašče niekalki tarhoŭ, achvotnych nabyć nieruchomaść nie znachodziłasia.
Budynak pryznany historyka-kulturnaj kaštoŭnaściu — pakupniku dazvolena raźmiaščać tam kulturna-aśvietnickuju ŭstanovu. Carkva budzie vykarystoŭvać budynak dla praviadzieńnia słužeńniaŭ, taksama pry joj pracuje niadzielnaja škołka.
Letni pałac karala Rečy Paspalitaj Paniatoŭskaha ŭ Paniamuni pabudavaŭ u 1771 hodzie ŭ styli poźniaha baroka italjanski architektar Džuzepe Saka. Tam mieściłasia zaharadnaja rezidencyja apošniaha karala Rečy Paspalitaj Stanisłava Aŭhusta Paniatoŭskaha. U XIX stahodździ naležaŭ Druckim-Lubieckim, paźniej Lachnickim.
Paśla 1945 hoda ŭ pamiaškańniach doŭhi čas znachodziŭsia kłub miascovaj «Sielhastechniki». Tam byli kinazała i biblijateka.
Pałac niekali byŭ kamiennym, ale ad jaho zachavaŭsia tolki frahmient kutniaj viežy. Razburanyja kamiennyja ścieny byli paźniej adbudavanyja z dreva.
Pieršapačatkovy vyhlad pałaca nieviadomy. Da našych časoŭ dajšli bolš poźnija jaho vyjavy kanca XIX stahodździa na malunkach Napaleona Ordy i šmatlikich fotazdymkach.
Pałac apošniaha karala Rečy Paspalitaj u Hrodnie pradali z treciaj sproby
Karaleŭskuju siadzibu Paniatoŭskaha ŭ Hrodnie pradajuć tańniej za staruju adnapakajoŭku
Cana byłoj karaleŭskaj rezidencyi ŭ Hrodnie za dva miesiacy ŭpała ŭ dva razy. Nichto nie choča kuplać
U Hrodnie možna nabyć siadzibu apošniaha karala Rečy Paspalitaj
Kamientary