Грамадства1111

Гайдукевіч і Гусачэнка таксама паспрабавалі зняць з сябе санкцыі ЕС. Але першы нядаўна сам прасіў яшчэ болей санкцый

Дэпутат Палаты прадстаўнікоў, лідар ЛДП Алег Гайдукевіч і намеснік старшыні Белтэлерадыёкампаніі Сяргей Гусачэнка таксама аспрэчвалі ўведзеныя супраць іх санкцыі ЕС, але Еўрапейскі суд 24 мая адхіліў іх пазовы. Цяпер ім давядзецца аплаціць судовыя выдаткі, піша reform.by.

Аналагічнае рашэнне было прынята ў дачыненні да дэпутатаў Святланы Любецкай і Аляксандра Амельянюка, якія таксама спрабавалі аспрэчыць санкцыі, што Еўрапейскі саюз наклаў на іх 21 чэрвеня 2021 года. 

Сутнасць прэтэнзій Гайдукевіча і Гусачэнкі аналагічная пазову Любецкай і Амельянюка. На іх думку, санкцыі носяць характар калектыўнай адказнасці, нясуць памылковую ацэнку і парушаюць прынцып суразмернасці.

Гайдукевіч запэўніваў, што выказваў свой асабісты пункт гледжання як дэпутат, а Гусачэнка згадаў пра свабоду выказвання меркавання.

Адказчыкам выступала Рада Еўрапейскага саюза. Суд разгледзеў доказы бакоў і прыйшоў да высновы, што рашэнне аб увядзенні санкцый абгрунтаванае, а адказчык падаў пераканаўчыя тлумачэнні свайго рашэння: Гайдукевіч, па сутнасці, ёсць прадстаўніком рэжыму Лукашэнкі, а Гусачэнка займаецца прапагандай і ўзначальвае дзяржаўнае прапагандысцкае медыя.

Гайдукевічу і Гусачэнку загадана аплаціць, у дадатак да іх уласных выдаткаў, выдаткі, панесеныя Радай Еўрапейскага саюза.

Гайдукевіч і Гусачэнка трапілі пад санкцыі ЕС 21 чэрвеня 2021 года.

Цікава, што яшчэ нядаўна Гайдукевіч дзякаваў ЕС за санкцыі, каб у чыноўнікаў і бізнэсменаў не было жадання нават глядзець у бок ЕС. «Увядзіце яшчэ сто пакетаў санкцый», — казаў Гайдукевіч. 

А прапагандыст Гусачэнка запэўніваў, што не будзе аспрэчваць санкцый. 

«Ці спрабую я аспрэчваць рашэнне ЕС у дачыненні да сваёй сціплай персоны? А што ў такім свеце можна даказаць? Давайце ўспомнім адзін з самых свежых прыкладаў — расследаванне інцыдэнту з самалётам RyanАir у Мінску. Колькі разоў ІКАО пераносіла дату справаздачы? У выніку заявілі, што Беларусь не змушала паветранае судна да пасадкі. Ці адмяніў пасля расследавання ЕС санкцыі супраць Беларусі і беларускай авіякампаніі? Зразумела, не. Пра што яшчэ можна казаць», — распавядаў ён «Советской Белоруссии». 

Гусачэнку і Гайдукевіча прадстаўляў адвакат Адвакацкай палаты Парыжа Дзмітрый Літвінскі. Гэты ж адвакат выступаў ад імя Любецкай і Амельянюка.

У базе суда ёсць яшчэ некалькі пазоваў, пададзеных Літвінскім ад імя грамадзян Беларусі Аляксандра Бахановіча, Сяргея Рубніковіча і Сяргея Скрыбы. У дачыненні да гэтых дзеячаў 21 чэрвеня 2021 года таксама былі ўведзеныя санкцыі ЕС. На момант увядзення санкцый Бахановіч быў рэктарам Брэсцкага дзяржаўнага тэхнічнага ўніверсітэта, Рубніковіч — рэктарам Беларускага дзяржаўнага медыцынскага ўніверсітэта, а Скрыба — прарэктарам па выхаваўчай рабоце БДЭУ. Рашэнні па іх, мяркуючы па базе, яшчэ не прыняты.

Усе пазовы Літвінскім былі пададзеныя 5 лістапада 2021 года.

Учора прадстаўнік па транзіце ўлады Аб'яднанага пераходнага кабінета Павел Латушка ў каментары «Нашай Ніве» расказаў, як дэпутаты спрабавалі апраўдацца ў судзе.

Каментары11

  • ў
    31.05.2023
    Клоўны і крывадушнікі, якіх свет не бачыў. Сваім паганым ротам заходнікаў абражаюць, а рукамі пісулькі пішуць, каб да "гейрапейцаў" прымкнуцца.
  • Юрист
    31.05.2023
    Гусаченка, если ты такой приверженец "свободы мнений и высказываний", то что делают в ваших тюрьмах и концлагерях политические оппоненты, высказывавшие СВОБОДНО СВОИ МНЕНИЯ?!
  • Железный Дровосек
    31.05.2023
    [Рэд. выдалена]

Зяленскі: Расія сёлета будзе спрабаваць непасрэдна ўцягнуць Беларусь у вайну22

Зяленскі: Расія сёлета будзе спрабаваць непасрэдна ўцягнуць Беларусь у вайну

Усе навіны →
Усе навіны

У Польшчы скончылі ўстаноўку электрычнага бар'еру на дзвюх рэках на мяжы з Беларуссю3

Бот Беларускага Гаюна быў узламаны. Хто туды пісаў — пад пагрозай36

Андрэй Стрыжак папярэдзіў пра паглыбленыя праверкі для тых, хто выязджае з краіны5

Лукашэнкаўскім спарынг-партнёрам ЦВК падарыла гарбату з малінавым варэннем12

ІТ-кампаніі ўпершыню за тры гады нанялі больш спецыялістаў, чым звольнілі

Трамп паабяцаў знішчыць Іран у выпадку замаху на сябе3

У цэнтры Рыгі з'явіўся помнік шэраму кату з мультфільма, што прэтэндуе на «Оскар»3

Чыноўнікі рэкамендуюць бізнэсу скараціць колькасць надпісаў на замежных мовах на шыльдах23

«У ГУЛАГу ўвогуле не было рахункаў за ацяпленне». У сеціве спрачаюцца пра ролік, дзе паляк хваліць танную беларускую камуналку8

больш чытаных навін
больш лайканых навін

Зяленскі: Расія сёлета будзе спрабаваць непасрэдна ўцягнуць Беларусь у вайну22

Зяленскі: Расія сёлета будзе спрабаваць непасрэдна ўцягнуць Беларусь у вайну

Галоўнае
Усе навіны →

Заўвага:

 

 

 

 

Закрыць Паведаміць