Ад расійскага боепрыпасу ў Варонежскай вобласці пацярпелі чатыры чалавекі
Губернатар Варонежскай вобласці Аляксандр Гусеў паведаміў, што ў выніку выбуху ад выпадкова скінутага 2 студзеня расійскага боепрыпасу ў пасёлку Петрапаўлаўка пацярпелі чатыры чалавекі.
Паводле яго, па медыцынскую дапамогу з лёгкімі пашкоджаннямі звярнуліся чатыры чалавекі, у тым ліку людзі звяртаюцца па псіхалагічную дапамогу, паведаміў Гусеў у тэлеграм-канале.
Ён дадаў, трэба наноў пабудаваць дзевяць дамоў, разбураных выбухам.
У Петрапаўлаўцы таксама пацярпелі будынкі школы, дом культуры і пасялковая адміністрацыя. У іх часткова выбіта шкло, пашкоджаны дахі.
Гусеў паведаміў, што пацярпелі таксама пяць легкавых машын і трактар, улады абяцаюць кампенсаваць іх кошт уладальнікам.
2 студзеня расійскае Міністэрства абароны паведаміла, што «каля 09:00 мск пры выкананні палёту самалёта Паветрана-касмічных сіл над населеным пунктам Петрапаўлаўка ў Варонежскай вобласці адбыўся няштатны сход авіяцыйнага боепрыпасу».
Мінабароны сцвярджала, што «пацярпелых няма».
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог9
Каментары