«Мы наўмысна дадалі шэраг «пасхалак». Фэйкавы пашпарт «Новай Беларусі» ад КДБ пракаментаваў спецыяліст, які над ім працуе
У эфіры тэлеканала АНТ учора паказалі, як сцвярджаецца, пашпарт «Новай Беларусі» нібыта з першай пробнай партыі. Ён выдадзены на імя Коласава Генадзя Баляслававіча — неіснуючага персанажа, чыё імя ўяўляе сабой абрэвіятуру КГБ. Па гарачых слядах мы самі разабралі відавочныя «касякі», якія проста кідаліся ў вочы, а цяпер прафесійны каментар Прадстаўніцтву па замежных справах АПКБ даў спецыяліст, які, як сцвярджаецца, над гэтым пашпартам працуе.
Як сцвярджаецца, у дызайне, прадстаўленым у мінулым годзе грамадству на канферэнцыі «Новая Беларусь», наўмысна былі пакінутыя шматлікія «пасхалкі» і заўважныя толькі спецыялістам недакладнасці:
«Канечне, мы чакалі нечага падобнага, але, як бачыце, прапагандыстам у супрацы з КДБ спатрэбілася больш за паўгода, каб зрабіць адзін экзэмпляр гэтай вельмі далёкай па форме і якасці ад арыгінала «фальшыўкі».
Мы наўмысна дадалі шэраг «пасхалак» — і некаторыя з іх «спрацавалі». Але не ўсе, таму чакаем другую серыю гэтай таннай камедыі», — адзначае спецыяліст.
Пра некаторыя з гэтых недакладнасцяў ён сказаў ужо цяпер. Паводле суразмоўцы, у паказанай па АНТ фальшыўцы папяровая старонка даных замест запланаванай полікарбанатнай, а таўшчыня пашпарту — як у афіцыйнага беларускага, хоць у новага нацыянальнага будзе іншая.
«Цісненне на вокладцы «пашпарта» залацістага колеру — гэта, напэўна, паводле ўяўленняў прапагандыстаў, «дорага-багата». Але дызайнеры, якія працуюць над сапраўдным праектам, не падзяляюць захапленне падобным «савецкім шыкам», — іранізуе спецыяліст.
За некалькі хвілін прагляду ён нібыта налічыў больш за 15 памылак у «новым пашпарце ад КДБ», аднак не ўсе спецыфічныя нюансы сапраўднага праекта новага нацыянальнага пашпарта Беларусі цяпер гатовыя раскрыць да рэлізу.
Што да «базы даных», доступ да якой нібыта атрымала КДБ, то яе проста не існуе ў прыродзе. Ніякая з беларускіх структур на гэты момант не збірала персанальныя даныя людзей, якія ў будучым плануюць падацца на новы нацыянальны пашпарт.
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог12
Каментары