Zdaroŭje11

Urahany i hłabalnaje paciapleńnie ŭsio čaściej pryvodziać da raspaŭsiudžvańnia śmiarotnych bakteryj. Što z hetym rabić?

Urahan Ien akramia razbureńniaŭ vyklikaŭ raspaŭsiudžańnie śmiarotnaj bakteryi.

Fota: Getty Images

U vieraśni ŭrahan Ien abrynuŭsia na paŭdniova-zachodniaje ŭźbiarežža Fłarydy. Ciopłaja vada zatapiła damy, pradpryjemstvy i kanalizacyju. Praliŭny viecier i doždž stvaryli spryjalnyja ŭmovy dla bakteryi Vibrio vulnificus.

Wired paviedamlaje pra 28 čałaviek, zaražanych hetaj bakteryjaj, jakaja moža chutka razburać kletki skury, vymyvać žaleza z kryvi i pryvodzić da prablem z unutranymi orhanami. Siamiora zaražanych pamierli. Trapičnaje asiarodździe sa stajačaj vadoj, mocna zabrudžanaj śmiećciem — idealny kaktejl dla raźvićcia hetych arhanizmaŭ.

Kolkaść vypadkaŭ pamienšylisia, kali pavodka adstupiła, i paśla 13 kastryčnika nie było zarehistravana novych chvorych. Ale mnohija daśledčyki ličać, što bližejšyja dziesiacihodździ možna čakać pavieličeńnia kolkaści takoj bakteryi. Urahany ŭzmacniajucca, pavodki bjuć rekordy, a bolš ciopłyja vody akijana traplajuć dalej na poŭnač. Bakteryi razmnažajucca ŭ ciopłym asiarodździ i sałanavataj vadzie.

Ciapier viadoma bolš za 100 vidaŭ vibryjonaŭ. Častka ź ich vyklikaje zachvorvańni ŭ ludziej, naprykład, V. cholerae — uzbudžalnik chalery. Niadaŭni analiz, praviedzieny amierykanskim Ahienctvam pa achovie navakolnaha asiarodździa, pakazaŭ, što da 2090 hoda ŭ ZŠA ŭzrovień zaražeńnia vibryjonam moža vyraści na 50-100%, pavialičyŭšy štohadovyja vydatki na lačeńnie hetych chvarob z 2 da 7 miljardaŭ dalaraŭ.

Bakteryi mohuć źmiešvacca i abmieńvacca hienami ź inšymi, u tym liku hienami, jakija zabiaśpiečvajuć ustojlivaść da antybijotykaŭ.

Lubyja paciortaści abo parezy źjaŭlajucca idealnym miescam praniknieńnia dla V. vulnificus. Trapiŭšy ŭ arhanizm, bakteryja chutka razmnažajecca, zaviaršajučy poŭny repraduktyŭny cykł prykładna za 20 chvilin.

V. vulnificus umieje abychodzić naš imunitet. Jana časta ŭtvaraje plonku z cukroŭ, białkoŭ, tłuščaŭ i mikraarhanizmaŭ. Unutry plonki moža žyć bakteryja, ale imunnym kletkam trapić tudy vielmi ciažka. Kali bakteryja pranikaje praz skuru, moža pačacca dehradacyja miakkich tkanak: kletki skury chutka mianiajucca i hinuć. U toj ža čas bakteryja zdolnaja zadziejničać zapasy žaleza ŭ našych erytracytach, u vyniku vyklikajučy sepsis. Ahulny ŭzrovień śmiarotnaści ad infiekcyj składaje 35%, ale ŭ ludziej z zachvorvańniami abo parušanaj imunnaj sistemaj jon nabližajecca da 50 adsotkaŭ.

V. cholerae, jakaja vyklikaje chaleru, zabivaje dziasiatki tysiač ludziej u hod va ŭsim śviecie, choć jaje amal nie isnuje ŭ krainach z vysokim uzroŭniem dachodu ź pieradavoj ačystkaj vady i vakcynami. Ale niechalernyja vibryjony, takija jak V. vulnificus, praciahvajuć uździejničać na ludziej pa ŭsim śviecie.

Akramia praniknieńnia ŭ adkrytyja rany, jany ŭ asnoŭnym pieradajucca ludziam pry ŭžyvańni syrych abo niedastatkova apracavanych morapraduktaŭ. I ŭ adroźnieńnie ad chalery, nie isnuje vakcyn dla abarony ad V. vulnificus i inšych vidaŭ vibryjonaŭ. Jany paddajucca lačeńniu tolki antybijotykami, pry ŭmovie, što bakteryi nie nabyli ŭstojlivaści. Adno daśledavańnie V. vulnificus, vydzielenaj z zaražanych vustryc, vyjaviła, što kala 50% bakteryj byli ŭstojlivyja da dvuch i bolš antybijotykaŭ.

Kab paźbiehnuć kantaktu ź vibryjonami, apranajcie ŭ vadzie śpiecyjalnyja čaraviki, kali vy idziacie na plaž, — heta dapamoža paźbiehnuć drapin. I kali vy patencyjna padviarhalisia ŭździejańniu bakteryj, adčuvajecie siabie drenna ci majecie takija simptomy, jak lichamanka, pačyrvanieńnie ci napuchłaść skury — źviarniciesia da lekara.

Kamientary1

  • Siroža
    08.11.2022
    A što z hetym zrobiš? Kali zachvareješ dyk pamreš.

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Usie naviny →
Usie naviny

Navukoviec z Homiela vykryŭ maštabnuju falsifikacyju vynikaŭ pierapisu ŭ Biełarusi. Ale jość niuans24

Biełarus paŭhoda «inviestavaŭ» hrošy machlaram i straciŭ 120 tysiač rubloŭ1

Miedyki kančatkova vyznačyli, ci škodna jeści bulbu7

«Kroŭ vajny». Čym važnyja ataki Ukrainy na rasijskija NPZ i ci jość ad hetaha efiekt1

Niamiecki Bundestah adchiliŭ zakonaprajekt ab pastrožańni mihracyjnaha zakanadaŭstva8

Z 1 lutaha ZŠA ŭvodziać vysokija myty suprać tavaraŭ z Kitaja, Kanady i Mieksiki25

Rasija ŭdaryła rakietami pa Adesie

Adkryty novy harmon, jaki pryhłušaje apietyt i baronić ad atłuścieńnia3

«Bulba — tema dla biełarusaŭ, pryvoźcie». Biełarus u Varšavie razdaje pradukty emihrantam, jakija majuć u ich patrebu1

bolš čytanych navin
bolš łajkanych navin

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Stała viadoma, za što buduć sudzić pieršaha namieśnika načalnika Kiraŭnictva spravami Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić