U rasijskim Nalčyku vieteran zachopnickaj vajny va Ukrainie pad narkotykami da śmierci źbiŭ 87-hadovuju piensijanierku
Ranicaj 30 studzienia 87-hadovaja Nina S. vyjšła na prahułku. Na vulicy jaje zaŭvažyŭ i dahnaŭ 23-hadovy Rustam N. Mužčyna biŭ jaje na praciahu 20 chvilin, pakul piensijanierka nie pamierła, paśla čaho pajšoŭ, piša telehram-kanał «Ostorožno, novosti».
«Doma maci spytała jaho, što ź im zdaryłasia — na zvanki nie adkazvaŭ, usio adzieńnie ŭ kryvi. Jon skazaŭ, što telefon byŭ vyklučany, ale potym zrazumieŭ, što straciŭ jaho. Pieraapranuŭsia i pajšoŭ šukać pa tym ža maršrucie, a tam jaho pa aryjenciroŭcy zatrymali», — raspavioŭ svajak zahinułaj.
Pa słovach unukaŭ zabitaj, Rustam niadaŭna viarnuŭsia z vajny va Ukrainie praz atrymanaje ranieńnie. Za niekalki hadzin da złačynstva jon užyŭ miefiedron razam z ałkaholem.
Jon całkam pryznaŭ svaju vinu. Zabojcu pahražaje da 20 hadoŭ kałonii.
Kamientary