Sud u Hiermanii vynies pažyćciovy prysud mužčynu, jaki zabiŭ dziaŭčynku z Ukrainy
Sud u niamieckim horadzie Chiemnic prysudziŭ 37-hadovaha Andreja P. da pažyćciovaha źniavoleńnia za zabojstva dzieviacihadovaj Valeryi — dziaŭčynki z Ukrainy, jakaja pryjechała ŭ Hiermaniju razam z mamaj paśla pačatku rasijskaha ŭvarvańnia. Sudździ taksama ŭstanavili asablivy ciažar złačynstva, što praktyčna vyklučaje mahčymaść daterminovaha vyzvaleńnia Andreja P. paśla 15 hadoŭ adbyćcia terminu, piša Bild.
Złačynstva adbyłosia 3 červienia minułaha hoda: padsudny vysačyŭ dziaŭčynku pa darozie ŭ škole i zadušyŭ jaje. Paśla hetaha jon źbieh z Hiermanii, ale byŭ zatrymany praz 11 dzion u Prazie. Paśla jaho ekstradavali nazad u Hiermaniju, dzie pačaŭsia sud.
Raniej pisali, što Andrej P. — uradženiec Małdovy, jaki žyŭ u Prazie.
Mužčyna raniej znachodziŭsia ŭ adnosinach z maci Valeryi, ale za niekalki dzion da zabojstva žančyna rasstałasia ź im. Pavodle viersii śledstva, złačynstva mahło być aktam pomsty. Ranicaj u dzień zabojstva jon pisaŭ byłoj kachanaj i patrabavaŭ stelefanavacca.
Prysud suda staŭ kančatkovym, abvinavačany nie staŭ asprečvać vierdykt.
U zabojstvie dzieviacihadovaj ukrainki ŭ Hiermanii padazrajuć uradžencaŭ Ukrainy i Małdovy
«Para zaŭsiody była vietlivaj». Źjavilisia novyja fakty pra źniknieńnie i zabojstva ŭ Niamieččynie ŭkrainskich mamy i babuli
Novyja padrabiaznaści zabojstva 27-hadovaj ukrainskaj biežanki ŭ Hiermanii: staŭ viadomy trahičny los jaje maci
Zabojstva 27-hadovaj ukrainskaj biežanki ŭ Hiermanii: žudasny praciah historyi
Kamientary
vy naviernoje nie znajetie tamošnich otielnych usłovij sodieržanija zaklučiennych. Za 15 let on imiejet vozmožnosť połučiť śpiecialnosť, VO, jeśli sposobien. A takžie projti kursy po raznoj fihnie tipa pčiełovodstvo, tierapija s životnymi. V kamierie na odnoho tielik, obied po raśpisaniju, vid iz okna na prirodu( jeśli povieziet). Rabotať jemu užie nie nado.