Para z Homiela nazvała syna vielmi niezvyčajnym imiem. Takoha ŭ abłasnym centry bolš niama
Kaciaryna i Jahor nazvali pieršynca vielmi niezvyčajnym dla našych šyrot imiem — Dźjordź. Adnak vybar na jaho prypaŭ nie vypadkova, piša Blizko.by.
Doŭhačakany mały źjaviŭsia na śviet 2 studzienia i svaje pieršyja dakumienty atrymaŭ u zahsie Novabielickaha rajona. Ekskluziŭnaje imia adrazu ž pryciahnuła ŭvahu — takoha ŭ Homieli bolš niama. Baćki kažuć, što jany vyznačylisia ź im jašče da naradžeńnia i inšych varyjantaŭ navat nie razhladali.
Pa słovach baćki chłopčyka — Jahora, nakont taho, jak nazvać pieršynca, muž i žonka asabliva nie spračalisia. Tata vybiraŭ imia dla dziaŭčynki i spyniŭsia na varyjancie Stefanija, a mama — dla chłopčyka. Jana prapanavała imia Dźjordź.
Śmieły vybar baćkoŭ zrazumieli nie ŭsie. Chtości byŭ suprać takoha redkaha imia, a chtości ŭspryniaŭ heta spakojna. Adnak paru horača padtrymała siamja, dla jakoj imia Dźjordź zachoŭvała darahija sercu ŭspaminy.
Tak zvali dzieda Kaciaryny, vienhra pa nacyjanalnaści. Tak što imia chłopčyku dastałasia pa spadčynie, kaža Jahor.
Dźjordź — heta vienhierskaja forma papularnych u Biełarusi imion Juryj, Hieorhij.
— Adrazu paśla naradžeńnia jon byccam by viedaŭ, čaho choča ad žyćcia. Navat miedpiersanał pradkazaŭ žoncy, što ŭ nas raście budučy dyrektar. Nie ździŭlusia, kali tak i budzie. Značeńnie imia niasie ŭ sabie zadatki sapraŭdnaha lidara, — adznačaje tata chłopčyka.
Pa jaho słovach, charaktar syna prajaviŭsia ŭžo ŭ radzilnym domie. Mały byŭ na ździŭleńnie spakojnym, a jaho pozirk — surjoznym i zasiarodžanym.
Kamientary
ci budučaha dyrektara tak i buduć zvać ź pialonak - Ryhor Jahoravič ?