«Lepš žerci ciulpany budu». Fiermiery, jakija vyroščvajuć kvietki, burna abmiarkoŭvajuć novyja ŭmovy pracy

Raniej pradavać kvietki na vulicy moh amal što kožny. Heta było nie vielmi składana: treba było zamović tyja ž ciulpany i apłacić adziny padatak. Ciapier ža nieabchodna abo mieć daviedku ad sielsavieta, što čałaviek samastojna (ci niechta ź jaho blizkich svajakoŭ) vyraściŭ kvietki, abo afarmlać IP ci jurydyčnuju asobu. Takija źmieny dziejničajuć z kastryčnika 2024 hoda.

Kaniečnie, heta nie varyjant dla tych, chto padzarablaŭ na kvietkach niekalki razoŭ na hod — na 14 lutaha, 8 sakavika i 1 vieraśnia. Tamu, imavierna, handlaroŭ-pierakupščykaŭ na vulicach stanie mienš.

Ale niechta pačaŭ šukać varyjanty, jak abyści novy zakon. Žančyna, jakaja vyroščvaje ciulpany ŭ Niaśvižy, raspaviała, što da jaje ŭžo źviartalisia ludzi z prośbaj upisać ich u daviedku fiermieršy.

— Heta niemahčyma. Upisać my možam tolki blizkich svajakoŭ, jakija buduć nam dapamahać realizoŭvać. Heta treba dakazać dakumientalna — pašpartami i śviedčańniami ab naradžeńni, šlubie.

@tulpan_nesvizh Kak vziať spravku na tiulpan??? Samyj často zadavajemyj vopros v diriekt !! #tiulpany8marta #tiulpańnieśviž #tiulpanyoptom #tiulpanyopt #tiulpanyoptom #tiulpanbiełaruś ♬ Romantic Classical Piano Solo - FREDERIC BOUCHAL

Žančyna novaŭviadzieńniami zadavolena: havoryć, narešcie ŭ nievialikich vytvorcaŭ źjaviłasia mahčymaść samastojna pradać kvietki.

Fiermier sa Žłobina ŭ tyktoku raskazaŭ, jak da jaho prychodziła kamisija z rajvykankama, kab pieraličyć ciulpany dla toj samaj daviedki.

— Pabyli jany litaralna chvilinu, pieraličvali davoli ŭmoŭna. Tysiača, dźvie, piać — jany asabliva nie hladzieli. Ja napisaŭ dźvie tysiačy ciulpanaŭ. Było tut piać tysiač ci tysiača — nichto nie hladzieŭ. Zrabili zaŭvahu, što ciulpany nie ćvituć i ŭ nastupny raz kamisiju lepš vyklikać, kali ŭžo źjaviacca butony.

@zhlobin.rassada #tiulpany #ćviety #tieplica #rassadažłobin ♬ orihinalnyj zvuk - Jevhienij Naumienko

Inšyja fiermiery ŭ sacsietkach raspaviadajuć, što ŭ ich kamisija była bolš pryncypovaja i admoviłasia davać daviedku da taho momantu, pakul ciulpany nie pačnuć ćviści.

Žančyna, jakaja razam z mužam vyroščvaje kvietki, raspaviała, kolki sioleta ŭ ich buduć kaštavać ciulpany. Tak, ścipłyja try kvietki jany płanujuć pradavać za 13,5 rubla, a šykoŭnyja bukiety sa 101 ciulpana — za 300 rubloŭ.

Pavialičyć

Žančyna tłumačyć u sacsietkach: heta adekvatny košt dla kvietak, jakija fiermier vyroščvaŭ samastojna. Ale ŭ kamientaryjach uźniałasia chvala abureńnia: niechta pisaŭ, što ŭ muža lepš picu paprosić na śviata ci navat bukiet z palandvicy.

Adna žycharka Barysava raspaviała ŭ tyktoku, što sioleta ŭpieršyniu pačała vyroščvać ciulpany. Jana płanuje atrymać ažno 5 tysiač kvietak. Błohierka kaža, što raźličvaje pradavać pa 4,5-5 rubloŭ za štuku — aryjentavałasia jana na raniejšyja ceny pierakupščykaŭ.

— Ja svaju pracu vielmi caniu, tamu što ciaplicu, pasadku, ziamlu — usio rabiła ja ŭ adzinočku. Pa try razy za noč praviaraju ciaplicu — vilhotnaść, tempieraturu. Ja b nie chacieła addavać zadarma svaje ciulpany. Kali vyraście aby-što jakoje-niebudź, dyk jano i budzie kaštavać 1,5 rubla, vyraście dobry ciulpan — zrazumieła, ja jaho biaspłatna nie addam. Voś surjozna. Lepš ja ich žerci budu.

@satsukevichann Budu žrať svoi tiulpany #tiulpanborisov #tiulpanminsk #tiulpandostavkaborisov #borisovtiułtpany2025 #tiulpanybiełaruś #novyjzakon ♬ orihinalnyj zvuk - satsukevichh

Jana padkreślivaje, što sioleta cybuliny ciulpanaŭ kaštavali niebiudžetna. Plus ciažkuju fizičnuju pracu taksama nielha abiasceńvać.

Dla paraŭnańnia: letaś napiaredadni 8 sakavika ŭ Minsku kala mietro ciulpany pradavali pa 3,5 rubla za štuku. Na Kamaroŭcy ceny pačynalisia ad 3 rubloŭ za ciulpančyk i dachodzili da 5-6 rubloŭ. U rajcentrach situacyja nie vielmi adroźnivałasia ad stalicy.

• 2
• 0
• 7
• 9
• 0
• 3
• 1
• 0