U Žytkavičach byłoha palitviaźnia sudzili za atrymańnie dapamohi
30 studzienia ŭ sudzie Žytkavickaha rajona sudździa Alaksandr Anoška razhladaŭ spravu byłoha palityčnaha źniavolenaha Uładzimira Šakuna. Jaki prysud jamu byŭ vyniesieny, ciapier vyśviatlajuć pravaabaroncy, piša «Homielskaja viasna».
Uładzimira Šakuna sudziać na padstavie dekreta № 7, vydadzienaha Łukašenkam u listapadzie 2021 hoda. U im jon vyznačyŭ pakarańni za karystańnie zamiežnaj dapamohaj biez uzhadnieńnia jaje z uładami. Pry pieršym parušeńni fizičnym asobam majuć nakładać štraf ad 5 da 30 bazavych vieličyń z kanfiskacyjaj dapamohi, a dla jurydyčnych asob — štraf da 100% pamieru dapamohi ź jaje kanfiskacyjaj. Pry paŭtornym ža parušeńni ciaham hoda ludziej dazvolili štrafavać, aryštoŭvać, abmiažoŭvać im svabodu na termin da troch hadoŭ albo pazbaŭlać svabody na termin da dvuch hadoŭ užo ŭ miežach kryminalnaj spravy.
Va Uładzimira Šakuna heta ŭžo druhi sud pavodle hetaha dekreta. Papiaredni raz jaho 2 lutaha 2024 hoda sudziŭ Andrej Bahdanik. Takim čynam, da Uładzimira Šakuna moža być zaviedzienaja kryminalnaja sprava i jaho mohuć znoŭ źniavolić.
Papiaredni raz Uładzimira Šakuna źniavolili, abvinavaciŭšy ŭ abrazie Łukašenki (častka 1 artykuła 368 Kryminalnaha kodeksa) i ździeku ź dziaržaŭnych simvałaŭ (art. 370 KK). 16 studzienia 2021 hoda jamu vynieśli prysud u vyhladzie dvuch hadoŭ «chimii». Vyjšaŭ na volu jon u 2023 hodzie.
«Maja pamyłka, što zapisvaju videa». Čym skončylisia rezanansnyja zvaroty da Łukašenki?8
Kamientary