Jašče adna vypusknica nabrała 400 bałaŭ z 400. Pryčym zdavała biełaruskuju movu i historyju Biełarusi
Heta Volha Druščyc sa Staralsielskaj siaredniaj škoły Žabinkaŭskaha rajona.
Da ŭstupnaj kampanii padyšła z absalutnym vynikam u 400 bałaŭ. Siaredni bał atestata vypusknicy — 10,0, jak piša «Adukacyja Žabinkaŭščyny».
Volha — uładalnica dvuch 100-balnych siertyfikataŭ centralizavanych ekzamienaŭ pa biełaruskaj movie i historyi Biełarusi.
Na centralizavanym testavańni pa hramadaznaŭstvie taksama atrymała najvyšejšy bał!
Volha rehularna z 5-ha kłasa ŭdzielničała ŭ roznych alimpijadach, taksama piša vieršy i drukujecca ŭ miascovaj presie.
Nahadajem, što 400 bałaŭ z 400 nabrała Palina Dyčak ź Lidy. Jana zdała na 100 bałaŭ centralizavanyja ekzamieny pa ruskaj movie i chimii, a paźniej atrymała maksimalny vynik na CT pa bijałohii. Atestat u vypusknicy taksama biezdakorny — 100 bałaŭ. Jana budzie pastupać u Biełaruski dziaržaŭny miedycynski ŭniviersitet.
Hod tamu rekardsmienkaj na CT stała taksama abituryjentka ź Lidy Anastasija Bildź, jakaja pastupiła ŭ hałoŭnuju IT-VNU krainy — BDUIR.
U 2021-m 400 bałaŭ atrymała abituryjentka z Žodzina Anastasija Savaścionak, jakaja paśla stała studentkaj FMA BDU. A ŭ 2018-m maksimalny vynik pakazała dziaŭčyna ź Pinska Anastasija Žaŭnieryk, jakaja taksama stała studentkaj fakulteta mižnarodnych adnosin.
-
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki
-
«Jašče ŭ škole damovilisia, što kali da 30 nie zaviadziem siemji, to paženimsia». Historyi biełaruskich par, jakija paznajomilisia padčas vučoby
-
«Čynoŭniki»-kupałaŭcy stančyli pad «Sihma boj» i skaryli sacsietki
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki1
Kamientary
Nia viedaju pra što vy, a ja pra jaje vybar - BIEŁARUSKAJE