Ciaham apošnich tydniaŭ Rasija śviadoma nakiroŭvała na miažu Estonii hrupy zamiežnikaŭ, u jakich niama zakonnaha prava na ŭjezd u ES, havorycca ŭ paviedamleńni Pamiežnaj słužby.
«Prymicie pad uvahu, što kali Estonija budzie vymušanaja praź mihracyjny cisk časova zakryć svaje pamiežnyja punkty, to praz hety pamiežny punkt vy nie zmožacie viarnucca ŭ Estoniju.
Kali takaja dziejnaść praciahniecca, my budziem vymušanyja ŭ metach biaśpieki dziaržavy i achovy hramadskaha paradku zakryć pamiežnyja punkty, jak heta praź mihracyjny cisk užo zrabiła Finlandyja», — zaznačyli ŭ Pamiežnaj słužbie.
Tam źviartajuć uvahu na toje, što ŭ vypadku zakryćcia pamiežnaha punkta jon budzie zakryty dla ŭsich, chto pierasiakaje miažu.
«Kab viarnucca ŭ Estoniju, vy budziecie pavinny skarystacca inšym pamiežnym punktam; u suviazi z hetym vaš maršrut moža daŭžeć na niekalki socień kiłamietraŭ», — dadali ŭ viedamstvie.
Na minułym tydni Finlandyja vyrašyła nie adkryvać miažu da 14 krasavika.
Biełaruska nie znajšła siabie ŭ śpisie vypusknikoŭ škoły — ličyć, što praz palityčnyja pohlady2
Kamientary