U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu
U staličnaj kramie vydańnie Blizko.by znajšło ŭpakoŭku praduktu, jaki ŭ pieraliku na kiłahram kaštuje 12 tysiač rubloŭ. Hety trochhramovy pakiecik navat spakavali ŭ boks suprać kradziažoŭ.
Havorka idzie pra vanil, a dakładniej, pra takuju raznavidnaść hetaj vostraj prypravy, jak vanil burbonnaja strukovaja.
Trochhramovy pakiecik u kramie Green kaštuje 36 rubloŭ 79 kapiejek. U pieraliku na kiłahram atrymlivajecca 12 263 rubli (3 835 dalaraŭ).
Miž inšym, taki ž struk vanili, ale ŭ pakieciku bolš staroha ŭzoru, hod tamu bačyli ŭ kramie ProStore za 24 rubli 20 kapiejek, abo «ŭsiaho» pa 8 067 rubloŭ za kiłahram.
Miž inšym, strukovaja vanil — nie samy darahi pradukt u kramie. U tym ža «Prastory» sustreŭsia šafran naturalny ź Irana. Jon rasfasavany ŭ pakunački malusieńkimi porcyjami pa 0,12 (!) hramaŭ. Pakiecik kaštavaŭ 3,63 rubla, razam 30 250 rubloŭ za kiło (roŭnieńka 10.000 dalaraŭ).
Ni vanil, ni šafran u supraćkradziežnyja boksy tady nie zamykali.
Kamientary