Abjadnany pierachodny kabiniet zasnavaŭ miedal Łarysy Hienijuš
Abjadnany pierachodny kabiniet Biełarusi zasnavaŭ Miedal Niaskoranych (Łarysy Hienijuš) z metaj uznaharodžańnia za značnyja zasłuhi pierad biełaruskim narodam u baraćbie za pravy čałavieka i demakratyčnyja svabody, paviedamlajecca ŭ telehram-kanale APK.
U adpaviednaści sa Statutam uznaharody, jaki ŭvajšoŭ u žyćcio 31 lipienia 2024 hoda, miedal moža ŭručacca biełaruskim i zamiežnym hramadzianam, jakija:
— svajoj aktyŭnaj dziejnaściu spryjali abaronie i ŭmacavańniu ŭ Biełarusi ideałaŭ demakratyi i pravoŭ čałavieka, raźvićciu biełaruskaj hramadzianskaj supolnaści abo
— prajavili asabistuju advahu, stojkaść i achviarnaść u dziejnaści na karyść prasoŭvańnia ideałaŭ demakratyi i pravoŭ čałavieka.
Miedal ujaŭlaje saboj kruhły miedaljon załacistaha koleru, u centry jakoha — partret Łarysy Hienijuš, skiravany ŭleva, za jakim unizie stužka, padzielenaja na try roŭnyja pałosy, jakija simvalizujuć kolery biełaruskaha nacyjanalnaha ściaha. Unizie partreta pa krai miedala — podpis «Łarysa Hienijuš». Pole miedaljona reljefna padzielenaje naŭskos na dźvie častki, pravaja ź jakich — ciamniejšaja.
Na advarotnym baku miedaljona ŭ centry ŭ promniach sonca raźmieščany nadpis: «Žyć dla Biełarusi» (słovy Łarysy Hienijuš), nad im — lacić ptuška.
U asnovie siužetu miedala — vobraz Łarysy Hienijuš, niaskoranaj palitźniavolenaj u SSSR, profil jakoj vystupaje ź ciemry ŭ śviatło; jana aptymistyčna hladzić u budučyniu, śćviardžajučy pieramohu svabody i demakratyi ŭ Biełarusi.
Nadpis na reviersie — heta frahmient jaje vierša, jaki simvalizuje niepachisnaść i viernaść paetki nacyjanalnym i demakratyčnym ideałam, faktyčna jaje zapaviet nastupnym pakaleńniam biełarusaŭ.
Ptuška — simvał svabody, nadziei na vyzvaleńnie i pieramohi nad pryhniatalnikami. Maleńkaja ptušačka zhadvajecca va ŭspaminach Łarysy Hienijuš u pieryjad jaje znachodžańnia ŭ turemnaj kamiery, a izahrafija ptušački ŭziataja ź jaje lista.
-
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki
-
«Jašče ŭ škole damovilisia, što kali da 30 nie zaviadziem siemji, to paženimsia». Historyi biełaruskich par, jakija paznajomilisia padčas vučoby
-
«Čynoŭniki»-kupałaŭcy stančyli pad «Sihma boj» i skaryli sacsietki
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki1
Kamientary