«Ministr abarony» Valeryj Sachaščyk zajaviŭ pra vychad z Abjadnanaha pierachodnaha kabinieta
Jon rašyŭ zasiarodzicca na raźvićci svajho biznesu i kancepcyi nacyjanalnaha prymireńnia.
Pra svajo rašeńnie Valeryj Sachaščyk abviaściŭ u svaim telehram-kanale. Jon zajaviŭ, što ŭ jaho stała składacca ŭražańnie, što «my ruchajemsia niekudy nie tudy».
Sachaščyk zhadaŭ, što ŭ 2022-m jon pahadziŭsia dałučycca da Abjadnanaha pierachodnaha kabinieta z umovaj, što «heta budzie kaalicyjny ŭrad, jaki budzie mieć dastatkovy ŭzrovień samastojnaści i dastatkova surjozny ŭzrovień pryniaćcia rašeńniaŭ».
Ale ciapier, kaža, pabačyŭ, što ŭ Ofisa Cichanoŭskaj niama razumieńnia śpiecyfiki jaho pracy.
«Byŭ vielmi mocna rasčaravany, nazirajučy, jak ludzi, ź jakimi jašče ŭčora spakojna damaŭlalisia, siedziačy za adnym stałom, raptam stali kankurentami i praktyčna vorahami», — skazaŭ Sachaščyk.
Jon adznačyŭ, što hrošaj ad Kabinieta nie atrymlivaŭ, žyŭ za svaje.
Sachaščyk dzielicca, što paru tydniaŭ tamu prapanavaŭ źmianić pracu Kabinieta, a kali jaho prapanovu nie prymuć, to jon vyjdzie sa struktury. Cichanoŭskaja prapanavała pravieści sustreču i abmierkavać detali.
«Ale, na žal, nie čakajučy hetaj sustrečy, Ofis Śviatłany Cichanoŭskaj praz padkantrolnyja ŚMI pačaŭ kampaniju pa majoj dyskredytacyi», — zajaviŭ Sachaščyk. (Padobna, za takuju «kampaniju» jon paličyŭ artykuł «Našaj Nivy» — ale acenka Sachaščyka niepraŭdzivaja. «Naša Niva» nie ŭzhadniaje svaju infarmacyjnuju palityku ni ź jakimi biełaruskimi ci zamiežnymi palityčnymi siłami.)
Paśla hetaha jon admoviŭsia ad sustrečy.
Sachaščyk paviedamiŭ, što rašyŭ zasiarodzicca na raźvićci svajho biznesu, dapamozie biełarusam i raźvićci kancepcyi nacyjanalnaha prymireńnia.
-
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki
-
«Jašče ŭ škole damovilisia, što kali da 30 nie zaviadziem siemji, to paženimsia». Historyi biełaruskich par, jakija paznajomilisia padčas vučoby
-
«Čynoŭniki»-kupałaŭcy stančyli pad «Sihma boj» i skaryli sacsietki
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki1
Kamientary
Ofisy-kabiniety Cichanoŭskaj raspadajucca,