Volha Karač atrymała niamieckuju antyvajennuju premiju — razam z ukraincam, jaki zaklikaje spynić pastaŭki zbroi Kijevu
Biełaruski palityk Volha Karač atrymała niamieckuju premiju Ludviha Baŭmana za «vybitny ŭniosak u baraćbu suprać vajny i militaryzma».
Jašče ŭ 2020-2021 Volha Karač usialak vitała ŭsich, chto vystupaŭ za akcyi «pramoha dziejańnia» suprać Alaksandra Łukašenki. A paśla pierajšła ŭ baraćbu «za mir». Jaje «Naš dom» dekłaruje, što dapamahaje dezierciram ź biełaruskaha vojska, jakija nie chočuć vajavać z Ukrainaj, ale realnych kiejsaŭ niama — tyja ludzi, jakija prezientavalisia arhanizacyjaj Karač jak «uciekačy ad vojska», nasamreč daŭno vyjechali ź Biełarusi i nie majuć dačynieńnia da armii.
Čytajcie taksama. Chto takaja Volha Karač, jakaja choča padsiedzieć Cichanoŭskuju?
Aproč Karač, jość jašče dva łaŭreaty niamieckaj premii. Z rasijskim «Rucham śviadomych adkaźnikaŭ» usio zrazumieła — jon dapamahaje maładym rasijanam uciakać z krainy, tym samym paźbiahać vajskovaj słužby i nie ŭdzielničać u zachopnickaj vajnie.
A voś z trecim pieramožcam, ukrainskim rucham pacyfistaŭ na čale z błohieram Juryjem Šalaženkam, usio nie tak adnaznačna.
Pazicyja Šalaženki ŭ tym, što supraciŭlacca rasijskaj ahresii možna — ale tolki niehvałtoŭnymi sposabami. A pieraškodaj da miru ličyć nie tolki rasijski impieryjalizm, ale i ŭkrainski nacyjanalizm.
U 2023 hodzie błohier zaklikaŭ spynić pastaŭki zbroi Ukrainie.
Letaś Šalaženku zatrymlivała Słužba biaśpieki Ukrainy — za toje, što jon zaklikaŭ žycharoŭ Kijeva ŭchilacca ad pryzyvu i ŭciakać za miažu. U vyniku jaho abvinavacili ŭ apraŭdańni rasijskaj ahresii.
Šalaženka — daŭni partnior Karač. Ich arhanizacyi ŭdzielničajuć u adnych i tych ža samitach, ich razam «naminavali» na Nobieleŭskuju premiju.
Čytajcie taksama. Chto finansuje kantoru, jakaja vyłučyła «Naš dom» na Nobieleŭskuju premiju miru? Šukajem kancy
A kali Volhu Karač nazvali pahrozaj dla nacyjanalnaj biaśpieki Litvy, to mienavita arhanizacyja ŭkrainskaha błohiera rassyłała pa ŚMI zajavy ŭ jaje padtrymku.
Finansavy pamier premii, jakuju atrymali Karač i astatnija łaŭreaty, nie nazyvajecca.
«Maja pamyłka, što zapisvaju videa». Čym skončylisia rezanansnyja zvaroty da Łukašenki?10
Kamientary
bu-ha-ha!!!