Свет33

Пра што думаў Макрон, абвяшчаючы датэрміновыя выбары

Абвяшчэнне датэрміновых выбараў — вялікі сюрпрыз для краіны і вялізная рызыка для прэзідэнта Эмануэля Макрона, піша Хʼю Скофілд, карэспандэнт Бі-бі-сі ў Парыжы.

 Прэзідэнт Францыі Эмануэль Макрон распусціў Нацыянальную асамблею і прызначыў новыя выбары пасля паразы на выбарах у Еўрапарламент. Фота: AP Photo / Lewis Joly

Макрон мог адрэагаваць інакш, мог проста працягваць свой ранейшы курс, тлумачачы велізарную перамогу ўльтраправых як еўрапейскую аберацыю, якую на больш важных выбарах выправяць. Ён мог разлічваць, што будучыя чэмпіянат Еўропы па футболе і Парыжская алімпіяда на пару месяцаў адцягнуць людзей ад палітыкі. 

Парыжскія каментатары менавіта такой рэакцыі ад яго і чакалі. 

Можна здагадацца, што прэзідэнт разумеў, да чаго ўсё ідзе, і загадзя спланаваў сваю рэакцыю. Ва ўсякім выпадку, экзіт-полы амаль цалкам супадаюць з вынікамі апытанняў да выбараў, так што ў Макрона было дастаткова часу, каб узважыць усе варыянты. 

Важна разумець, што ён і так зайшоў у тупік. Большасці ў Нацыянальным сходзе ў яго не было, таму любы закон праходзіў са скрыпам. А цяпер, калі ясна, што большасць выбаршчыкаў відавочна супраць прэзідэнта, любы законапраект, выходны ад яго, нават наступны бюджэт, мог апынуцца выбуханебяспечным. 

Таму Макрон вырашыў унесці «яснасць». Калі за вельмі правых галасуе дастаткова людзей, то тады, як ён кажа, ім трэба даць шанец кіраваць краінай. 

Відавочна, прэзідэнт будзе спадзявацца, што ягоная партыя «Адраджэнне» зможа ўзяць рэванш на выбарах 30 чэрвеня і 7 ліпеня. Або што іншыя партыі выступяць лепш. Але ён не можа не разумець, што пакуль у «Нацыянальнага абʼяднання» ёсць шанцы перамагчы зноў — можа не з такім разгромным лікам, але дастаткова ўпэўнена, каб стаць найбуйнейшай партыяй у Нацыянальным Сходзе. 

І тады ў Францыі можа зʼявіцца прэмʼер-міністр Лё Пэн. Альбо Бардэла.

Каментары3

  • Acab
    10.06.2024
    Як фінансаваць дзяржаўнае тэлебачаньне, напрыклад, БіБіСі, ДойчэВэльле, БелСат і падобныя?
    1 Фармулюем канцэпцыю грамадзкіх дабротаў (нат ў школе ёй фучым). Паводле гэтае хібнае канцэпцыі, гэта такія даброты, спажываньне якіх адной асобай немагчыма кантраляваць і адзьдзяліць ад спажываньня іншый асобай
    2 Абвяшчаем тэлевізыю і радыё такой грамадзкай дабротай (вітанкі, падпіскі на ютубы, амазоны праймы і нэтфліксы)
    3 Пабіраем тарыфную аплату з ўсіх, хто мае прыладу, здатную прымаць тэле-радыёсыгнал (напр, тэлефон)
  • Фарт
    10.06.2024
    Acab, ня тужся ты так, твае каменты, акрамя мадэратара НН, ніхто не чытае.
  • Acab
    10.06.2024
    Любы чытачэ, я распавёў, як фінансуецца дзярж тб ў вольным сьвеце, бо тут жа пераклад артыкулу адмысловага карэспандэнта брытанскага тэлерадыёбачаньня ў францыі. Настаў плюсоў мне, любы чытачэ

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

Як тэлешоу дапамаглі знізіць колькасць разводаў у Паўднёвай Карэі3

Анастасія Нюфер з ЗША, вызваленая ў Беларусі ў дзень выбараў, апублікавала першае фота1

Два гомельскія кур‘еры забралі 100 тысяч у 87-гадовай жанчыны, кінулі куратара і пачалі салодкае жыццё5

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць