Байдэн заявіў, што выйдзе з перадвыбарнай гонкі толькі «па ўказанні Усявышняга»
Заклапочанасць прыхільнікаў і супернікаў наконт яго ўзросту, кагнітыўных здольнасцяў і падзення рэйтынгу ён палічыў беспадстаўнымі.
Прэзідэнт ЗША Джо Байдэн у інтэрв'ю тэлеканалу ABC заявіў, што выйдзе з перадвыбарнай гонкі толькі «па ўказанні Усявышняга», піша Расійская служба Радыё Свабода.
Заклапочанасць прыхільнікаў і супернікаў наконт яго ўзросту, кагнітыўных здольнасцяў і падзення рэйтынгу ён палічыў беспадстаўнымі.
Свой слабы выступ тыдзень таму падчас дэбатаў з Дональдам Трампам, які таксама прэтэндуе на пасаду прэзідэнта ЗША, Байдэн растлумачыў прастудай і стомай.
Тады прэзідэнт ЗША з цяжкасцю фармуляваў адказы, выглядаў несабраным з кепскай памяццю. З-за гэтага многія, у тым ліку заканадаўцы-дэмакраты, заклікаюць Байдэна адмовіцца ад барацьбы за другі тэрмін прэзідэнцтва.
Чарговым заклікам стаў ліст лідараў бізнэсу і грамадзянскай супольнасці, у якім яны просяць Байдэна адмовіцца ад пераабрання «дзеля дэмакратыі і будучыні нацыі».
Аўтары ліста лічаць, што зараз у Байдэна больш шанцаў прайграць, чым выйграць, і нагадваюць аб пагрозах, якія можа прадстаўляць Трамп для эканомікі і нацыянальнай бяспекі.
Ліст падпісалі ўжо 168 прадэмакратычна настроеных актывістаў — і подпісы працягваюць паступаць ужо пасля адсылкі дакумента ў Белы дом.
У час інтэрв'ю Байдэн таксама сказаў, што не мае патрэбы ў кагнітыўным тэсціраванні і што найлепшым тэстам з'яўляецца яго штодзённая дзейнасць у якасці прэзідэнта.
Ён настойвае, што ніхто не валодае найлепшымі звесткамі, чым ён, «каб быць прэзідэнтам або атрымаць перамогу ў прэзідэнцкай гонцы».
Байдэн дадаў, што не верыць вынікам апытанняў, якія прагназуюць яму паразу на выбарах, якія адбудуцца 5 лістапада 2024 года.
Пасля правальных тэледэбатаў Джо Байдэн паабяцаў больш спаць і не хадзіць на вячэрнія мерапрыемствы
Белы дом абвергнуў заявы СМІ пра сумневы Байдэна наконт яго абіральнасці
Трамп рыхтуецца да суперніцтва з Камалай Харыс за пасаду прэзідэнта ЗША
Белы дом заявіў, што ў Байдэна няма дэменцыі або хваробы Альцгеймера
«Зрабіў дурасць»: Байдэн прызнаўся, што ледзь не заснуў на дэбатах з Трампам
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне2
Каментары
Хто ня верыць, самыя паўзірайцеся