Выстава «Беларуская выцінанка» адкрылася ў Нацыянальным мастацкім музеі
23 снежня ў Нацыянальным мастацкім музеі адбылося ўрачыстае мерапрыемства Нацыянальнай камісіі па справах ЮНЕСКА, прымеркаванае да ўключэння мастацтва беларускай выцінанкі ў Рэпрэзентатыўны спіс нематэрыяльнай культурнай спадчыны чалавецтва, піша БелТА.
Рашэнне аб уключэнні элемента нематэрыяльнай культурнай спадчыны «Выцінанка — традыцыйнае мастацтва выразання з паперы ў Беларусі» ў Рэпрэзентатыўны спіс нематэрыяльнай культурнай спадчыны чалавецтва было прынята 4 снежня.
«Тое, што мы можам паказаць на міжнародным узроўні і перадаць сваім унукам, і з’яўляецца нематэрыяльнай духоўнай спадчынай… Гэта прадмет гонару, нашай самабытнасці», — адзначыў міністр замежных спраў Беларусі Максім Рыжанкоў.
Падчас мерапрыемства беларускім майстрам уручылі сертыфікат аб уключэнні выцінанкі ў спіс нематэрыяльнай культурнай спадчыны ЮНЕСКА.
Таксама у рамках мерапрыемства была адкрыта выстава «Беларуская выцінанка», на якой прадстаўлены лепшыя ўзоры традыцыйнага беларускага мастацтва выразання з паперы.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары