Кіроўцу ў ізалятар, фуру на штрафпляцоўку. Дальнабойшчыкі — пра праверкі і затрыманні на мяжы
Днямі з'явілася інфармацыя пра тое, што ў выніку праверак тэлефонаў на мяжы затрымалі каля 20 дальнабойшчыкаў. Кіроўцы фур, з якімі паразмаўляла «Наша Ніва», расказваюць, што перад выбарамі праверкі сталі больш строгімі.
Адзін з суразмоўцаў «Нашай Нівы», які працуе на фуры, сутыкаўся з гутаркай і праверкай тэлефона пры ўездзе ў Беларусь яшчэ паўтара года таму. Тады правяралі рандомным чынам: мужчына ні ў якіх базах быць не можа, паколькі ніколі не прыцягваўся да адказнасці па палітычных справах.
Але пры апошнім перасячэнні мяжы ў яго хоць і не бралі тэлефон на праверку, але максімальна пільна праверылі ўсе рэчы ў кабіне. У тым ліку з сабакам і металашукальнікам.
Іншы кіроўца адзначае, што звычайна дальнабойшчыкаў асабліва моцна не даглядалі, а на гутаркі і праверкі тэлефонаў, як правіла, вадзілі «экстрэмістаў». Але апошнім часам сітуацыя змянілася, і праверкі перасталі быць рэдкасцю, у тым ліку для тых, хто нідзе не засвяціўся.
Па словах аднаго з суразмоўцаў, частку цяперашніх затрыманых кіроўцаў да суда адправілі ў ізалятар (раней за падпіскі на незалежныя каналы ці рэпосты адтуль дальнабойшчыкаў асабліва не чапалі). Фуру пры гэтым пакінулі на штрафстаянцы, таму ў такіх выпадках праблемы ўзнікаюць не толькі ў кіроўцы, але і ва ўласніка транспарту, якому неабходна тэрмінова знайсці іншага чалавека на месца затрыманага.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары