Pra heta jon napisaŭ u adnym ź listoŭ. Siarhiej, jakoha niadaŭna pieraviali ź SIZA ŭ Minsku ŭ mahiloŭskuju turmu №4, paviedamiŭ, što jaho pastavili na prafiłaktyčny ŭlik «za ekstremizm». Adbyłosia heta paśla taho, jak błohier napisaŭ zajavu na śledčaha, kab u dačynieńni da jaho raspačali kryminalnuju spravu.
Pravaabaroncy tłumačać, što prafulik aznačaje, što Piatruchina ciapier kanvajujuć u kajdankach jak pa terytoryi miescaŭ abmiežavańnia voli, tak i za jaje miežami, piša Bresckaja hazieta.
Siarhieja Piatruchina i jaho kalehu pa jutubie-kanale «Narodny reparcior» Alaksandra Kabanava pieraviali ź SIZA ŭ Minsku ŭ Mahiloŭ, dzie jany čakajuć suda. Raniej płanavałasia, što sud projdzie ŭ Breście, ale staršynia Bresckaha abłasnoha suda Anton Huščyn nakiravaŭ spravu ŭ Viarchoŭny sud dla źmieny jaje jurysdykcyi, kab jana mahła razhladacca za miežami Bresckaj vobłaści.
Im vystaŭlena abvinavačvańnie pa troch artykułach Kryminalnaha kodeksa: č. 1 art. 342 KK RB (arhanizacyja hrupavych dziejańniaŭ, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady), art. 369 KK RB (publičnaja abraza pradstaŭnika ŭłady ŭ suviazi z vykanańniem im słužbovych abaviazkaŭ) i art. 391 KK RB (abraza sudździ abo narodnaha zasiadaciela ŭ suviazi z ažyćciaŭleńniem imi pravasudździa).
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki2
Kamientary