Pamočnik Łukašenki: Ličbavaja valuta — chutčej śpiekulatyŭny resurs, čym kirunak dla inviestycyj
Bitkojny i inšaja ličbavaja valuta źjaŭlajucca chutčej śpiekulatyŭnym resursam, tamu dziaržavie nie vyhadna inviestavać u hetuju dziejnaść. Takoje mierkavańnie vykazaŭ u efiry STB pamočnik Łukašenki pa pytańniach raźvićcia finansava-kredytnaj sistemy Valeryj Bielski.
Pavodle słoŭ Bielskaha, dziaržava stvaraje najlepšyja ŭmovy dla raźvićcia luboha biznesu ŭ krainie, u tym liku i ŭ śfiery ličbavaj valuty. Adnak, samoj dziaržavie inviestavać u heta nie varta.
— Jak pakazaŭ vopyt navat za minuły hod, nijakaj stabilnaści ŭ čakańniach i realnym košcie hetaha ličbavaha aktyvu niama. Heta śpiekulatyŭny resurs, jaki siońnia moža kaštavać 6 tysiač dalaraŭ, naprykład, za adnu ličbavuju manietu i moža kaštavać 50 dalaraŭ i bolš, — adznačyŭ pamočnik Łukašenki.
Taksama Bielski źviarnuŭ uvahu na toje, što ŭ Biełarusi jość śpiekulanty, jakija zarablajuć na ličbavaj valucie, jość adpaviednaja birža, jakaja davoli aktyŭna pravodzić tarhi, vystupajučy pasiarednikam abmienu ličbavych hrošaj na realnyja i naadvarot.
-
U Minsku praź jaŭrejskija mohiłki prakłali tranšeju. Ź ziamli vyciahnuli mnostva nadmahillaŭ
-
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki
-
«Jašče ŭ škole damovilisia, što kali da 30 nie zaviadziem siemji, to paženimsia». Historyi biełaruskich par, jakija paznajomilisia padčas vučoby
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki2
Kamientary