Ź vieraśnia ŭ EHU zapracuje novaja prahrama — bakałaŭryjat pa historyi Uschodniaj i Centralnaj Jeŭropy. Viadomy historyk Cimafiej Akudovič ličyć prajekt pieršym paŭnavartasnym biełaruskim histfakam u zamiežžy.
Metaj prahramy jaje stvaralniki nazyvajuć padrychtoŭku śpiecyjalistaŭ, jakija myślać krytyčna i hatovyja da intehracyi ŭ mižnarodnuju akademičnuju supolnaść. Abiacajuć pravodzić sumiesnyja kursy z univiersitetami-partniorami, a taksama vyvučać rehijanalnuju i miascovuju historyju praz historyju asobnych haradoŭ (Vilnia, Hdańsk, Lvoŭ) ź sieminarami ŭ partniorskich arhanizacyjach u Hdańsku i Lvovie. Kiraŭnica prahramy — prafiesarka historyi EHU Iryna Ramanava.
Studenty buduć vučycca na biełaruskaj i anhlijskaj movach, daviedajucca, jak rabić daśledavańni i prezientavać ich.
«Prahrama stavić na mecie mienavita padrychtoŭku daśledčykaŭ, jakija buduć umieć pracavać na jeŭrapiejskim poli. A jeŭrapiejskaje histaryčnaje pole całkam sabie samadastatkovaje. Tut patrebnyja prafiesijanały, jakija daśledujuć, vydajuć, šukajuć, dyskutujuć, papularyzujuć. I za jakasnuju asensavanuju pracu tut možna atrymlivać całkam adekvatnyja hrošy. Nu i karjeru budavać. Asabliva ciapier, kali ŭ historyi ŭ čarhovy raz abvastrajecca palityčnaje vymiareńnie. Chapaje i prablem, ale dzie ich niama», — tłumačyć Cimafiej Akudovič.
Košt navučańnia dla hramadzian i rezidentaŭ Biełarusi składaje 1450 jeŭra za siemiestr. Daviedacca bolš možna tut.
«Naša Niva» — bastyjon biełaruščyny
PADTRYMAĆBiełaruska nie znajšła siabie ŭ śpisie vypusknikoŭ škoły — ličyć, što praz palityčnyja pohlady1
Kamientary