«U pracoŭny čas razhadvali kryžavanki, prahladali časopisy mod abo prymali ježu»
Dziaržkantrol apublikavaŭ vyniki «andropaŭskaha» rejdu pa Hrodzienščynie.
Dziaržkantrol apublikavaŭ vyniki «andropaŭskaha» rejdu pa Hrodzienščynie.
Hazieta «Hrodzienskaja praŭda» apublikavała vyniki pravierak Kamitetu dziaržaŭnaha kantrolu Hrodzienskaj vobłaści, jakija ładzilisia ŭ rehijonie ad 26 krasavika da 4 maja. Aficyjna hetyja mierapryjemstvy nazvalisia manitorynham stanu pracoŭnaj dyscypliny.
«Parušeńni pracoŭnaha rasparadku vyjaŭlenyja na 57 pradpryjemstvach i ŭ arhanizacyjach, padparadkavanych ministerstvam pramysłovaści, transpartu, budaŭnictva i architektury, žyllova-kamunalnaj haspadarki, enierhietyki, kancernam «Biellehpram», «Biellespapierapram», a taksama miascovym orhanam ułady, va ŭstanovach adukacyi i achovy zdaroŭja, hramadskich arhanizacyjach»,— rapartuje «Hrodzienskaja praŭda».
U čym ža zaklučalisia parušeńni, za jakija pa vynikach manitorynhu da dyscyplinarnaj adkaznaści byli pryciahnutyja 93 parušalniki pracoŭnaj dyscypliny?
Pravierki vyjavili, što ludzi časta spaźniajucca na pracu. Bolš za toje, u niekatorych arhanizacyjach u časie paŭtornaha rejdu praviaralščyki łavili na spaźnieńni tych ža ludziej, što i ŭ časie pieršaha vizitu.
Manitorynh vyśvietliŭ, jak baviać svoj pracoŭny čas supracoŭniki pradpryjemstvaŭ i arhanizacyj.
«U pracoŭny čas asobnyja supracoŭniki zamiest vykanańnia svaich słužbovych abaviazkaŭ razhadvali kryžavanki, čytali knihi i haziety, prahladali časopisy mod abo prymali ježu.Niekatoryja naohuł adsutničali na pracoŭnych miescach biez pavažnych pryčyn, a kiraŭniki nie mahli patłumačyć, dzie znachodziacca ich padnačalenyja».
Pravierka vyjaviła niedachopy ŭ arhanizacyi propusku na terytoryi, jakija achoŭvajucca.
«Rabotniki Kamiteta dziaržkantrolu bieśpieraškodna ŭvachodzili na terytoryi, jakija achoŭvajucca, i navat na režymnyja abjekty, a vartaŭnikoŭ ŭ hety čas uvohule nie było na miescy».
Praź niekalki dzion paśla zaviaršeńnia pravierki na Hrodzienščynie Alaksandr Łukašenka zrabiŭ žorstkuju zajavu pra nieabchodnaść «naviadzieńnia paradku ŭ arhanizacyjach i pradpryjemstvach, u tym liku ŭzmacnieńnia žorstkaści pracoŭnaj dyscypliny» i zhadaŭ časy Andropava. Mahčyma, adnoj z pryčyn, źjaŭleńnia hetaj zajavy stali i vyniki hrodzienskaha rejdu. Nieŭzabavie kiraŭnik Administracyi prezidenta Uładzimir Makiej zajaviŭ pra ŭsiebiełaruskuju pravierku dyscypliny i kadravaj raboty na pradpryjemstvach. Vynik nie prymusiŭ siabie čakać. 14 maja ŭ subotu čytačy «NN» paviedamili, što ad niekatorych pradpryjemstvaŭ i ŭstanovaŭ stalicy rajvykankamy zapatrabavali śpisy supracoŭnikaŭ, jakija nie vyjšli pra pracu (taja subota była pracoŭnaja). Paźniej padobnyja paviedamleńni pačali prychodzić ź inšych rehijonaŭ Biełarusi.
Stała viadoma, za što buduć sudzić pieršaha namieśnika načalnika Kiraŭnictva spravami Łukašenki3
Kamientary