Спорт77

«Калі краіна вядзе вайну, як яна можа выступаць?» — аўтар латвійскага «Цуду на лёдзе» пра адхіленне Расіі і Беларусі 

Галоўны трэнер зборнай Латвіі Харыйс Віталіньш у інтэрв'ю эстонскаму Delfi адказаў на пытанне, як ён ставіцца да адхілення зборных Беларусі і Расіі ад хакейных турніраў. 

Харыйс Віталіньш прывёў зборную Латвіі да бронзавых медалёў чэмпіянату свету. Фота: LHF

«Калі краіна вядзе ваенныя дзеянні, то як яна можа выступаць на ЧС? Як размаўляць з іншымі гульцамі, а як паводзіць сябе заўзятарам? Спорт быў заўсёды палітыкай, спорт папулярызуе любую краіну. Заўсёды і спорт, і палітыка ў тым ці іншым выглядзе звязаныя паміж сабой, і адно без іншага не можа існаваць», — адказаў Харыйс Віталіньш.

Таксама коўч адказаў на закіды, якія таксама транслюе беларуская прапаганда, што на турнір не прыехалі моцныя гульцы, таму чэмпіянат стаў нецікавым.

«ЧС быў вельмі цікавым, і ўсё роўна, хто там не прыехаў. Прыехалі наймацнейшыя гульцы ад кожнай зборнай, хай гэтыя гульцы не з першай пяцёркі НХЛ, але яны ўсё роўна першыя гульцы сваіх клубаў НХЛ. Усе гульні былі поўныя напалу і эмоцый. Трэба атрымліваць асалоду ад таго, што ёсць, а не шукаць дрэннае і крытыкаваць.

Акрамя гульцоў НХЛ таксама прыехалі таленавітыя маладыя хакеісты. Казаць: «Няма гульцоў з НХЛ» — гэта дзіўна, бо яны былі. Напрыклад, у Швейцарыі быў максімальна моцны склад з гульцоў НХЛ. Трэба атрымліваць асалоду ад таго, што ёсць. Калі чалавек любіць хакей, то ён будзе яго глядзець, нават калі там усяго 3 гульцы з НХЛ», — мяркуе трэнер.

Цікава, што Харыйс Віталіньш разам з галоўным трэнерам Алегам Знарком прывёў Расію да залатых медалёў чэмпіянату свету ў 2014 годзе і золата Алімпіяды ў 2018 годзе. Прычым у 2014 годзе Знарка на чэмпіянаце ў Мінску дыскваліфікавалі, і Віталіньш вывеў каманду на фінальны матч.

Таксама ён трэніраваў расійскія клубы «Дынама», «Спартак» і СКА.

Каментары7

  • Жвір
    02.06.2023
    У Злучаных Штатах такія мерапрыемствы нават газэты не асьвятляюць. Некалі я быў вельмі гэтаму зьдзіўлены, не знайшоўшы ні слова пра ЧС, у той час, як рэгіянальныя першынства асобных штатаў актыўна даваліся чытачу. А Віталіньш кажа, што спорт, гэта заўжды й палітыка. Ну, тады й гульні ў казіно прывяжы да палітыкі... Беларусь не ваюе, калі што. Так, згодны, рэжым Лукашэнкі адзначыўся, але гэта не Беларусь. Інакш, чаму Расею дапускалі да спаборніцтваў пачынаючы ад 2014-га года, калі яна ўжо акупавала ўкраінскі рэгіён ? Ці гэта не было палітыкай ? Чаму тады Віталіньш ведаў "Як размаўляць з іншымі гульцамі, і як паводзіць сябе заўзятарам?", і нават трэніраваў расейскія каманды !? Карацей, а што ён можа яшчэ казаць, што яму застаецца? Лепш бы маўчаў, сыйшоў бы за разумнага, а так, паказаў сябе блюзьнерам і блазнам...
  • Кума
    02.06.2023
    Кум, а аграпюрэр заяўляў што дапамае расеі і шкадуе, што не пачалі вайну супраць Украіны яшчэ ў 2014 годзе.
  • Кум
    02.06.2023
    Кума, чытай Жвіра, ён табе будзе больш зразумелы, у тым ліку й пра 2014-ты, і пра статус аграпюрера,.. у мяне не атрымалася дастукацца ў твой, прабач, жбан...

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка4

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка

Усе навіны →
Усе навіны

У Маскве падарвалі прарасійскага аўтарытэта з Данбаса, які арганізоўваў цітушак8

Прадзюсар тэлешоу на БТ паехаў у Польшчу па натхненне11

Урад Беларусі склаў паўнамоцтвы9

У Мінску могуць з'явіцца беспілотныя трамваі2

Канапацкая назвала сябе апазіцыяй7

Былы гомельскі журналіст і палітвязень Андрэй Толчын на волі

«Апошні экзамен чалавецтва». Для нейрасетак стварылі максімальна складаны акадэмічны тэст — і вось які вынік8

На 11-гадовага хлопчыка ўпалі футбольныя вароты, ён шпіталізаваны4

У Беларусі стварылі сухое марожанае10

больш чытаных навін
больш лайканых навін

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка4

«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка

Галоўнае
Усе навіны →

Заўвага:

 

 

 

 

Закрыць Паведаміць