Польскае агенцтва па інвестыцыях і гандлі апублікавала статыстыку, згодна з якой Беларусь абагнала Японію і ЗША па колькасці замежных інвестыцый у Польшчу ў гэтым годзе. Пра гэта напісала выданне Dziennik Gazeta Prawna.
З пачатку 2023 года ў Польшчы адкрыліся 12 праектаў з беларускімі каранямі. Гэта больш, чым адкрыла любая іншая краіна. Для прыкладу, другое месца займае Германія з пяццю праектамі.
Пры гэтым інвестары з Беларусі плануюць адкрыць яшчэ 33 праекты ў Польшчы на 48 мільёнаў еўра. Па словах выдання, такія планы ставяць Беларусь на другое месца ў спісе інвестараў. Першае займае ЗША.
Прэзідэнт Польскага агенцтва інвестыцый і гандлю Павел Курташ упэўнены, што гэта вынік праграмы Poland Business Harbour. Яе стварылі ў адказ на рэпрэсіі супраць беларускага бізнэсу і прадпрымальнікаў, якім прапанавалі магчымасць перасялення ў бяспечнае месца. Дзякуючы гэтаму шмат кампаній пераехалі ў Польшчу. У асноўным гэта айці-сектар і стартапы.
Гэтыя праекты не вельмі дарагія, але даюць шмат працоўных месцаў. Напрыклад, інвестыцыі, якія беларусы плануюць укласці ў Польшчу ў будучыні, забяспечаць працай 9500 чалавек.
Цяпер Poland Business Harbour працуе не толькі для беларусаў, аднак большасць рэкамендацый усё яшчэ выдаецца кампаніям з беларускімі каранямі.
Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі2
Каментары