У Літве збіраюцца прадоўжыць тэрмін дзеяння пашпартоў іншаземцаў для беларусаў
Міністэрства ўнутраных спраў Літвы ў сувязі з дыскрымінацыйнай палітыкай рэжыму Лукашэнкі ў дачыненні да ўласных грамадзян прапанавала Сейму краіны разгледзець прадаўжэнне тэрміну дзеяння пашпартоў для іншаземцаў. Пра гэта заявіў намеснік міністра ўнутраных спраў Літвы Арнольдас Абрамавічус.
У літоўскім МУС прапануюць павялічыць тэрмін дзеяння пашпартоў іншаземцаў да трох гадоў.
«Мы гаворым толькі пра людзей, якія бягуць ад рэжыму, мы не гаворым пра кіроўцаў грузавікоў, іншых рабочых. Менавіта тут апазіцыі даецца такая магчымасць — для тых, у каго ёсць дазволы на пражыванне на гуманітарных падставах, я б, напэўна, так выказаўся», — сказаў Абрамавічус.
Пашпарт іншаземца выдаецца ў Літве замежніку, які мае часовы або пастаянны ДНЖ Літоўскай Рэспублікі, а таксама не мае дзейнага пашпарта і магчымасці яго атрымаць з аб'ектыўных прычын. Такі пашпарт выдаецца на тэрмін, які не перавышае тэрміну часовага дазволу на жыхарства таго, хто звярнуўся — часцей за ўсё ён выдаецца на год.
Дэпартамент міграцыі Літвы чакае наплыў беларусаў па пашпарт замежніка і тлумачыць, што атрымаюць яго не ўсе
«Ягор зрабіў мне прапанову — выйшаў новы закон». Былыя палітвязні згулялі ў Літве вяселле-перформанс
«40% палітвязняў — моладзь да 25 гадоў». Дарадца Ціханоўскай пра дылему: з'язджаць ці заставацца
Стала вядома імя чалавека, якога сілавікі назвалі першым затрыманым па справе «Гаюна»40
Каментары