Грамадства2323

Як жыхар Брагіна адказаў на пытанне «Чый Крым» міграцыйным уладам Літвы і чаму цяпер шукае працу дома

Жыхар Брагіна Яўген Давыдоўскі працуе на будоўлі адміністрацыйнага будынка філіяла «Брагінскі» ААТ «Палессебуд». Працуе па дамове падраду. А яшчэ ў мінулым годзе зарабляць на жыццё ездзіў у Літву. Пра тое, чаму Яўген цяпер шукае працу дома і чаму пра гэта не шкадуе, расказала выданне «Маяк Палесся».

Яўген Давыдоўскі. Фота: bragin.by

Год таму Яўген ездзіў працаваць мулярам вахтавым метадам у Літву. «Аб прывабных перспектывах працаўладкавання ў балтыйскай рэспубліцы даведаўся ад знаёмых», — удакладняе выданне.

Вахтавыя паездкі ў Літву доўжыліся год — пакуль не скончылася віза. Каб працягнуць іх, трэба было аформіць дазвол на жыхарства.

З лістапада 2022 года грамадзяне Расіі і Беларусі, старэйшыя за 18 гадоў, якія звяртаюцца па нацыянальную візу або дазвол на жыхарства ў Літве, павінны запаўняць спецыяльную анкету.

У ёй, акрамя іншага, трэба адказаць, ці падтрымліваеце вы вайну Расіі ва Украіне, а таксама на пытанне «Каму, на вашу думку, належыць Крым?».

Яўген Давыдоўскі адказаў — «Расіі». Ці падтрымлівае ён напад Расіі на Украіну, у артыкуле не ўдакладняецца.

«Палітыка іх ясная: перапісалі гісторыю, узяліся за геаграфію. І так, паводле вынікаў апытання, вызначаюць, хто «праз сваю дзейнасць у мінулым ці сувязі з недэмакратычнымі рэжымамі» можа ствараць пагрозу нацыянальнай бяспецы. Трызненне, ды і толькі. «Дэмакратыя» тут выяўляецца ў прыгнёце тых, хто выказвае адрозны ад афіцыйнага пункт гледжання», — тлумачыць раёнка. Яна прыводзіць хлуслівыя прапагандысцкія тэзісы пра перапісванне гісторыі і прыгнёт рускіх за мяжой для апраўдання расійскай агрэсіі.

Карэспандэнт дадае, што, «вядома, зыходзячы з карыслівых інтарэсаў, можна было крывадушнічаць і адказаць фармальна. Але навошта?»

«Нейкіх завоблачных грошай не атрымаў, у адносінах з мясцовым насельніцтвам адчуваецца напружанне: рускамоўныя ў Літве не ў пашане. Ды і доўгае расстанне з сямʼёй, дзе падрастае дачка, толькі засмучае», — разважае Яўген.

«Таму атрыманы вердыкт — адмова ў выдачы ДНЖ і забарона на ўезд у Літву на 5 гадоў — ніколькі не засмуціў. У планах — уладкавацца на пастаянную працу. Тут, у Беларусі», — расказвае пра жыццесцвярджальныя планы мужчыны выданне.

Дарэчы, Аляксандр Лукашэнка ў інтэрв’ю расійскаму прапагандысту Дзмітрыю Кісялёву 30 лістапада 2021 года назваў акупаваны Расіяй украінскі Крым «дэ-факта і дэ-юрэ» расійскім і расказаў, што збіраецца прыехаць у Крым. Але дасюль не зрабіў гэтага. Афіцыйнага прызнання Крыма расійскім, як і так званых «новых тэрыторый», з боку Беларусі таксама не было.

Паводле звестак Дэпартамента міграцыі Літвы на пачатак жніўня, са студзеня ў атрыманні віз і ДНЖ адмоўлена 910 грамадзянам Беларусі. Іх прызналі пагрозай бяспецы краіны. Дазвол на часовае пражыванне літоўскія ўлады не выдалі 337 беларусам і адмовілі яшчэ 121 грамадзяніну Беларусі ў працягванні ДНЖ. У 205 беларусаў анулявалі дазволы на часовае пражыванне.

Каментары23

  • Яшчэ адзін ідыёт са знакам качэства
    18.10.2023
    Яшчэ адзін ідыёт са знакам качэства
  • Ворша
    18.10.2023
    А гэтая лукашыцкая раёнка не патлумачыла што лукашысты робяць з уласнымі грамадзянамі, якія выказваюць адрозны ад лукашыцкага пункт гледжання?
  • #
    18.10.2023
    Такіх процьма. Але упартых доўбняў, якія нават не спрабуюць думаць кавуном вось каля 1000. Заўседы задаешся пытаньнем - ну калі так дрэнна там было, калі ты такі рЮскі, то навошта увогуле спрабаваць ехаць. Ну есьць неабсяжная Расея, ну калі ласка, хоць у той самы Крым.

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі1

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі

Усе навіны →
Усе навіны

«У Еўропе рэч можа каштаваць 30 еўра, а ў нас — усе 100». Беларусы расказалі, як купляюць брэндавыя рэчы, якія не прадаюцца на радзіме3

У мінскім парку Горкага адкрылася кавярня з незвычайным дызайнам

«Не прапускае мышэй без дакументаў». На беларуска-польскай мяжы з'явіўся кот, якога, магчыма, хтосьці згубіў7

Пачалася праца па стварэнні археалагічнага музея пад адкрытым небам на Менцы5

Старшыням райвыканкамаў дадуць права ўзгадняць кіраўнікоў прыватных прадпрыемстваў27

Паліна Шарэнда-Панасюк выехала з Беларусі13

Мірны план Трампа не прадставяць на наступным тыдні7

У Віцебску перайменавалі факультэт, назву якога Лукашэнка назваў «мацернай»7

У Рэчыцы кіроўца аўтобуса даведаўся, што забыў пасажырку — і з поўным салонам людзей паехаў яе забіраць4

больш чытаных навін
больш лайканых навін

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі1

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі

Галоўнае
Усе навіны →

Заўвага:

 

 

 

 

Закрыць Паведаміць