Łukašenka prydumaŭ, jak finansavać teatry, jakija, pavodle jaho, «ŭ 2020 hodzie vystupili za źniščeńnie dziaržavy»
Alaksandr Łukašenka patrabuje vyjści na roŭnadolevaje finansavańnie teatraŭ. Pra heta jon zajaviŭ na naradzie z kiraŭnictvam urada, piša BiełTA.
Łukašenka nastojvaŭ na tym, što finansavańnie pavinna być roŭnadolevym: biudžetnyja subsidyi pavinny być roŭnyja abjomu srodkaŭ, zaroblenych teatram samastojna.
«Jakija vy jašče hrošy ŭ mianie prosicie? 50% my dajom teatram datacyju. Tym teatram praktyčna, jakija ŭ 2020 hodzie vystupili za źniščeńnie dziaržavy. Što vy zrabili, kab vykanać majo daručeńnie? Usie vykonvali: ad ministra kultury, staršyń har-, abłvykankamaŭ da Kačanavaj. Usie chadzili vakoł teatra, pryjšli i kažuć: «hrošaj mała». Što vy prosicie?» — skazaŭ Łukašenka.
U prajekcie ŭkaza, prapanavanym Łukašenkam, roŭnadolevaje finansavańnie praduhledžvałasia tolki dla apłaty artystaŭ i mastackaha piersanału, stvareńnia novych pastanovak, hastrolaŭ, vypłaty aŭtarskich adličeńniaŭ.
«Druhoje, što vy prapanujecie, kab ja zapłaciŭ za ŭtrymańnie i vykarystańnie ŭ poŭnym abjomie za košt biudžetnych srodkaŭ dziaržmajomaści teatra, uklučajučy apłatu pracy słužačych i rabočych, kamunalnyja pasłuhi, techničnaje absłuhoŭvańnie budynkaŭ i zbudavańniaŭ, dobraŭparadkavańnie terytoryi (drevy budu sadzić za vas…) i ramont abstalavańnia i transpartu. Chiba teatr budzie pieražyvać z nahody transpartu, niejkaha abstalavańnia? Za heta ž zapłaciać ź biudžetu. Jakoje ž tut stymulavańnie. My ž sabralisia, kab lepš zrabić. A vy mnie prapanujecie siońnia voś hety bardak uzakonić», — dadaŭ jon.
Staršynia KDK Valeryj Hierasimaŭ raskazaŭ, što prajekt praduhledžvaje, što biudžet budzie vydzialać hrošy na pastajannyja vydatki, a ŭsio astatniaje budzie finansavacca pa pryncypie: kolki teatr zarabiŭ, stolki jamu i dapłacili. «My budziem finansavać pastajannyja vydatki, a ŭ pastajannych vydatkach koń nie valaŭsia», — dadaŭ Alaksandr Łukašenka.
Łukašenka, u svaju čarhu, daručyŭ praciahnuć pracu nad prajektam.
Biełaruskaje telebačańnie 90-ch: uzhadvajem jarkija prajekty i papularnych viadučych6
Kamientary
— Da duraka valanije… Razhovarivajut, razhovarivajut… Kontrrievolucija odna.
(s)