U biełaruskich lasach znachodziać užo i maślaki — niezvyčajna rana
Zvyčajna viasnoj hrybniki chvalacca znachodkami smarčkoŭ i stračkoŭ, ale sioleta ŭžo ŭ pačatku maja ŭ śpiecyjalizavanych sacsietkavych supołkach źjavilisia śviežyja fota zvyčajna trochi paźniejšych hryboŭ — maślakoŭ.
«Dziŭny sioleta maj — jašče kančatkova nie skončylisia smarčki, a maślaki ŭžo źjavilisia», — paviedamiła babrujčanka Maša Nikitka ŭ supołcy va «Ukantakcie» «Hryby: Hrybnyja vojski Biełarusi».
Dziaŭčyna piša, što zvyčajna pieršyja maślaki jana źbirała 9 maja. Ale ŭ hetym hodzie, dziakujučy rańniamu ciapłu, hrybnica pračnułasia raniej i pieršyja hryby hetaha vidu źjavilisia ŭžo 1 maja.
Jość paviedamleńni pra toje, što hetyja hryby źjavilisia i ŭ Homielskaj vobłaści.
Maślaki — adnyja z najbolš papularnych jadomych hryboŭ. Svaju nazvu jany atrymali dziakujučy bliskučaj lipkaj ploncy, jakaja pakryvaje šapačku.
Čytajcie taksama:
U Biełarusi źjavilisia pieršyja viasnovyja hryby
Hryby — zdarovaja ježa? Voś što kaža dyjetołah
«Maja pamyłka, što zapisvaju videa». Čym skončylisia rezanansnyja zvaroty da Łukašenki?1
Kamientary