Z-za vialikaj pavodki ŭ Ispanii zahinuli bolš za 200 čałaviek. Asabliva paciarpieła pravincyja Valensija. Karol Fielipe VI i jaho žonka-karaleva Letycyja vyrašyli naviedać paciarpieły rehijon i pryjechali ŭ horad Pajportu. Ich supravadžali premjer-ministr Pedra Sančes i rehijanalny prezident Valensii Karłas Mason.
Adnak sustreli manarchaŭ zusim nie haścinna, piša El Dario. Ludzi abvinavačvajuć karaleŭskich asob i čynoŭnikaŭ u zapoźnienaj i niedastatkovaj dapamozie.
Natoŭp ludziej zakidaŭ ich hraźziu i aśvistaŭ. Im vykrykvali «Zabojcy» i «Preč, preč», sprabavali pabić pałkami.
‼️ Lanzan objetos y fango al rey a su llegada a Paiporta: “¡Asesinos!”https://t.co/WdBMbvISwd pic.twitter.com/GAwqOnZuWz
Achova akružyła manarcha i supravadžajučych, raskryła parasony, kab abaranić ich ad hrazi. Karol sprabavaŭ pahavaryć ź ludźmi na vulicach, kab supakoić ich.
"¡A ti no te falta agua... y la gente aquí muriéndose!": así han increpado a los reyes, a Sánchez y a Mazón a su llegada a Paiporta https://t.co/WdBMbvISwd pic.twitter.com/kW4ci59HKt
Adnak ludzi praciahvali kryčać jamu z karalevaj «My ŭžo miortvyja!», «U nas ničoha niama!», «Navošta vy pryjšli, kab atrymać miedal». «Pedra Sančes, s*kin syn!», «Prezident — pios!» — dastałasia i premjeru z kiraŭnikom Valensii.
Achova pasprabavała pierapynić vizit i vyvieści karala ŭ biaśpiečnaje miesca. Ale natoŭp nie dazvoliŭ pajści. Palicyja ŭžyła konnych aficeraŭ, kab pasprabavać uziać situacyju pad kantrol.
Nieŭzabavie paśla taho, što zdaryłasia, Karłas Mason zapeŭniŭ u svaim akaŭncie ŭ tvitary, što razumieje «sacyjalnaje abureńnie».
Navukoviec z Homiela vykryŭ maštabnuju falsifikacyju vynikaŭ pierapisu ŭ Biełarusi. Ale jość niuans6
Kamientary