Adno z samych virusnych fota 2024 hoda. Kali zakony fiziki adpačyvajuć
Zroblena jano na Alimpijadzie-2024.
Samyja krutyja fatahrafii Alimpijady-2024 atrymlivajucca z turniru pa siorfinhu, jaki prachodziŭ na Taici — pryroda, chvali, spartsmieny. Idealnaje miesca dla praviadzieńnia takich spabornictvaŭ, bo ŭ Paryžy ich było b prosta niemahčyma arhanizavać, nahadvaje Championat.com.
Samym virusnym alimpijskim zdymkam stała fatahrafija, na jakoj brazilski siorfier Habryel Miedyna niby visić u pavietry. Miedynu, jaki razam z doškaj, zdavałasia, zamior u pavietry, nakiravaŭšy ruku z vyciahnutym palcam u nieba, źniali adrazu niekalki fatohrafaŭ, jakija byli na katary.
Usie jany rastłumačyli, što z-za vysokich chvalaŭ treba było tolki adhadać momant, kali spartsmien vylecić uvierch.
Cikava, što hieroj fota za hety svoj vystup atrymaŭ ad sudździaŭ 9,90 bała z 10 mahčymych — heta najvyšejšaja acenka ŭ alimpijskaj historyi siorfinhu. U 1/8 finału jon razhramiŭ japonca Kanoa Iharasi i vyjšaŭ u čverćfinał. Pavodle słoŭ brazilca, takija vysokija i mahutnyja chvali mienavita na Alimpijadzie — niby spaŭnieńnie mary, bo heta vialikaja redkaść.
Miedyna — trochrazovy čempijon śvietu i adzin z samych krutych siorfieraŭ płaniety. U jaho šmat mianušak, ale adna ź ich idealna apisvaje zdymak — Fienomien.
I kali b nie rašeńnie arhanizataraŭ zadziejničać terytoryju, jakaja administracyjna naležyć Francyi, ale znachodzicca za 16 tys. km ad Paryža, takoha fota dakładna nie było b.
Kamientary