Absalutnaja bolšaść minskich školnikaŭ užo maje patałohii kaściova-myšačnaj sistemy
Siarod navučencaŭ staličnych škoł tolki ŭ kožnaha piataha nie było vyjaŭlena prablem z chvarobami pazvanočnika, u tym liku skalijozam, a taksama inšymi zachvorvańniami kaściova-myšačnaj sistemy.
Pra heta raspaviała «Miedycynskamu vieśniku» staršaja vykładčyca kafiedry hihijeny i achovy zdaroŭja dziaciej z kursam pavyšeńnia kvalifikacyi i pierapadrychtoŭki BDMU Nadzieja Samochina.
«Analiz stanu zdaroŭja padrastajučaha pakaleńnia za minułyja hady pakazvaje niesuciašalnuju tendencyju da rostu pieršasnaha zachvorvańnia dziaciej i padletkaŭ u najbližejšaj pierśpiektyvie. Abśledavańnie dziaciej va ŭzroście 6—11 hadoŭ vyjaviła, što absalutna zdarovymi źjaŭlajucca tolki 22,5%», — paviedamiła vykładčyca.
Takim čynam, u 77,5% abśledavanych školnikaŭ byli vyjaŭleny zachvorvańni kaściova-myšačnaj sistemy. Pry hetym varta adznačyć, što patałohii, takija jak skalijoz, časta pryvodziać da ŭźniknieńnia spadarožnych zachvorvańniaŭ. Naprykład, na prykładzie 600 abśledavanych školnikaŭ takija zachvorvańni byli vyjaŭleny ŭ 74% dziaciej.
Siarod spadarožnych zachvorvańniaŭ nazyvajucca davoli surjoznyja, u tym liku:
- lišniaja abo niedastatkovaja masa cieła,
- chvaroby vačej,
- dystanija,
- sardečnaja arytmija.
Kamientary
Smartfon u dzicionka zabiarycie, i ab ścianu jaho chraś!
A jak napłačacca - miačyk jamu dajcie.