Олаф Шольц заклікаў свайго галоўнага апанента «не гуляць у рускую рулетку»
Федэральны канцлер Германіі Олаф Шольц заклікаў кіраўніка апазіцыйнага Хрысціянска-дэмакратычнага саюза Фрыдрыха Мерца быць асцярожным адносна заяў пра магчымыя пастаўкі дальнабойных ракет Taurus Украіне і не «гуляць у рускую рулетку» з бяспекай Германіі, піша «Еўрапейская праўда».
Выступаючы на партыйнай канферэнцыі ў Берліне, Олаф Шольц згадаў, што Мерц хоча паставіць Расіі, ядзернай дзяржаве, ультыматум адносна магчымых паставак Taurus.
«Я магу толькі сказаць: будзьце асцярожныя! Нельга гуляць у рускую рулетку з бяспекай Германіі», — заявіў Шольц.
Паводле ягоных слоў, «калі гаворка ідзе пра пытанні вайны і міру, неабходная халодная галава». Сам Шольц пры гэтым, маўляў, застаецца «цвёрдым і ўраўнаважаным», і грамадзяне Германіі могуць на гэта разлічваць.
Перад тым, у кастрычніку, Мерц прапанаваў канцлеру Олафу Шольцу выставіць Пуціну ультыматум і абмеркаваць яго змест з еўрапейскімі калегамі.
«Яму трэба сказаць: калі ён цягам 24 гадзін не спыніць бамбаваць цывільнае насельніцтва ва Украіне, тады Германія павінна адправіць ракеты Taurus, каб знішчыць шляхі забеспячэння, якія гэты рэжым выкарыстоўвае, каб нашкодзіць цывільнаму насельніцтву Украіны», — казаў тады Мерц.
Германія на чале з Олафам Шольцам паслядоўна адмаўляецца перадаваць Украіне крылатыя ракеты Taurus — нават пасля таго, як сваё дальнабойнае ўзбраенне перадалі Вялікабрытанія, Францыя і ЗША.
Будучым канцлерам Германіі можа стаць мультымільянер. Што гэта будзе значыць для Еўропы?
Ангела Меркель заявіла, што Расія «не павінна выйграць вайну»
Сацыял-дэмакраты афіцыйна вылучылі Шольца на пасаду канцлера Германіі
Шольц: Ужыванне Расіяй новай гіпергукавай ракеты азначае, што трэба пазбягаць эскалацыі
Пазіцыя Шольца па пастаўках Украіне дальнабойных ракет Taurus застаецца нязменнай
«Нядобрыя навіны». Шольц распавёў пра сваю тэлефонную размову з Пуціным
Беларуска не знайшла сябе ў спісе выпускнікоў школы — лічыць, што праз палітычныя погляды1
Каментары