Рамзан Кадыраў у студзені не менш за 18 дзён запар не з'яўляўся на публічных мерапрыемствах, сведчыць аналіз публікацый у ягоным блогу і на сайце дзяржаўнага агенцтва «Чачэн-Інфарм», праведзены «Агенцтвам».
Апошнія паведамленні пра мерапрыемствы з удзелам Кадырава перад доўгім перапынкам былі апублікаваныя 8 студзеня.
Тады ён паведаміў, што браў удзел у цырымоніі адкрыцця мемарыялу свайму бацьку Ахмату Кадыраву і праінспектаваў цэнтральную частку Грознага. У той жа дзень ён паўдзельнічаў у нарадзе з камандзірамі падраздзяленняў і начальнікамі раённых аддзелаў МУС.
Пасля гэтага паведамленняў пра мерапрыемствы з удзелам Кадырава ў ягоным тэлеграм-канале і ў афіцыйным чачэнскім інфармагенцтве «Грозны-Інфарм» не з'явілася да 26 студзеня. У гэты дзень кіраўнік Чачні паведаміў, што наведаў рэпетыцыю фальклорнага ансамблю «Нахчо».
На відэа, апублікаваным Кадыравым, ён і кіраўніца ансамблю Аміна Ахмадава сядзяць у пустой зале. Гэтая публікацыя можа быць «кансервай» (так журналісты называюць справаздачы пра дзейнасць высокапастаўленых чыноўнікаў, якія запісваюцца загадзя і публікуюцца, калі трэба схаваць працяглую адсутнасьць чыноўніка). На гэта можа паказваць вопратка Кадырава: на відэа ён апрануты ў худзі і камізэльку — дастаткова лёгкую вопратку для гэтага часу году (26 студзеня ў Грозным было да +4 градусаў).
Напачатку мінулага году Кадыраў таксама знікаў з публічнай прасторы на 18 дзён, сведчаць публікацыі ў ягоным тэлеграм-канале.
Некаторыя знікненні Кадырава з публічнай прасторы могуць быць звязаныя з праблемамі са здароўем. Напрыклад, ён пераставаў з'яўляцца на публіцы ўвосень 2023 года.
-
«Зімовае нашэсце медуз мы спынілі». Расійская «Медуза» выдаліла рэкламу з пацярпелымі ад вайны ўкраінцамі
-
«Без нашай падтрымкі краіна перастане існаваць». Трамп зноў прапанаваў, каб Канада стала 51-м штатам ЗША
-
Канал «Россия 1» паведаміў, што DeepSeek распрацаваны на аснове савецкага кода. Аказалася, гэта навіна з сатырычнага сайта
Былы міліцыянер, які працаваў дальнабойшчыкам, вярнуўся ў Беларусь і атрымаў чатыры палітычныя артыкулы2
Каментары
Велізную бутэльку шампанскага падрыхтавалі.